چوار بەربژێر رکابەرایەتیی بۆ پۆستی سەرۆککۆماری تورکیا دەکەن

 

دوای کۆتاییهاتنی وادەی کۆکردنەوەی واژۆ بۆ بەربژێرانی بێ فراکسیۆن کە دەبوو 100 هەزار واژۆ کۆبکەنەوە، دامەزراوەی باڵای هەڵبژاردنەکانی تورکیا رایگەیاند 12 کەس خۆیان بەربژێرکردبوو و لەسەریان بوو 100 واژۆ کۆبکەنەوە، تەنیا موحەڕەم ئینجە، سەرۆکی گشتیی پارتی مەمەلەکەت و سینان ئۆغان، بەربژێری هاوپەیمانیی ئاتا توانیان بگەنە ئەو ژمارەیە.

 

رۆژی 22-3-2023 وادەی کۆکردنەوەی واژۆی خەڵک بۆ داواکارانی بەربژێربوون لەلایەن دامەزراوەی باڵای هەڵبژاردنەکانی تورکیا دەستیپێکرد و تا ئێوارەی رۆژی 27-3-2023 بەردەوام بوو.

 

 

موحەڕەم ئینجە: 114 هەزار واژۆ

سینان ئۆغان: 111هەزار و 508 واژۆ

فاتیح ئەربەکان: 69 هەزار واژۆ

دۆغو پەرینچەک: 27 هەزار و 61 واژ

یەعقوب تورکاڵ: 3 هەزار و 137 واژۆ

ئەرکاڵ تورکتەن: 2 هەزار و 589 واژۆ

ئەحمەد ئۆزاڵ: هەزار و 544 واژۆ

عیرفان ئوزون: هەزار و 263 واژۆ

خەلیل موراد ئونڤەر: 538 واژۆ

هیلمی ئۆزدەن: 478 واژۆ

داود توران: 122 واژۆ

 

ئەمە لەکاتێکدایە پێشتر رەجەب تەیب ئەردۆغان بووە بەربژێری هاوپەیمانیی جمهوور و کەمال کڵچدارئۆغڵوش بووە بەربژێری هاوپەیمانیی میللەت.

 

دوای داخرانی ماوەی خۆبەربژێرکردن بۆ پۆستی سەرۆککۆماری تورکیا، دامەزراوەی باڵای هەڵبژاردنەکان چوار ناوی وەکو بەربژێر بەرزکردووەتەوە بۆ ئەوەی لە رۆژنامەی فەرمی بڵاوبکرێتەوە.

 

بەربژێرانی تورکیا بۆ پۆستی سەرۆککۆمار

کەمال کڵچدارئۆغڵو، بەربژێری هاوپەیمانیی میللەت

رەجەب تەیب ئەردۆغان، بەربژێری هاوپەیمانیی جمهوور

موحەڕەم ئینجە، بەربژێری پارتی مەملەکەت

سینان ئۆغان، بەربژێری هاوپەیمانیی ئاتا

 

بەگوێرەی رۆژژمێری هەڵبژاردن، رۆژی 14-5-2023 هەڵبژاردنی سەرۆککۆمار و پەرلەمانیی تورکیا دەکرێت.