بوومەلەرزە شارێکی تورکیای هەژاند

سەرۆکایەتیی کارەساتی لەناکاو و فریاگوزاریی تورکیا - ئافاد رایگەیاند، بوومەلەرزەکە کاژێر 12:59ـی ئەمڕۆ یەکشەممە، 28-9-2025، لە ناوچەی (سیماڤ)ی پارێزگای کوتاهیا روویداوە.

 

بوومەلەرزەکە لە ئیستەنبووڵ و ئیزمیر و چەند پارێزگایەکی دیکەش هەستی پێکراوە.

 

تاوەکو ئێستا هیچ راگەیێندراوێکی فەرمی لەبارەی بوون یان نەبوونی زیانەکان نییە.

 

عەلی یەرلیکایا، وەزیری نێوخۆی تورکیا هەواڵەکەی پشتڕاستکردەوە و رایگەیاند، ئافاد و تەواوی تیمەکانیان دەستیان بە کارەکانیان کردووە.