ڤیدیۆی کرێکارێکی کارگەی زەیتوون خەڵکی تورکیای تووڕە کردووە

 

کەسیک بە ناوی موحەڕەم ئەو ڤیدیۆیەی بڵاوکردووەتەوە. هەروەک دیارە کرێکارێک بێ ئەوەی گوێ بداتە پاک و خاوێنیی بەرهەمە خۆراکییەکان، بە رووتی دابەزیوەتە نێو حەوزی بەرهەم و زەیتوونەکە بە سندووق دەداتە دەستی کرێکارەکانی دیکە. ئەوەی خەڵکی زیاتر تووڕەکردووە ئەوەیە؛ ئەو کرێکارە زۆر بە ئاسایی رەفتار دەکات و وا هەستناکات کارەکەی نائاساییە. 

 

موحەڕەم کە ڤیدیۆکەی بڵاوکردووەتەوە نووسیویەتی؛ "ئەمە لەبەردەم کامێرا ئەم کارە بکات، ئاخۆ لە پشتی کامێرا دەبێت چی بکات؟"

 

لەو کارەگەیەدا زەیتوون بەرهەمدەهێندرێت و دواتریش راستەوخۆ رۆنی لێ دروستدەکرێت.

 

بەگوێرەی یاسای ژمارە 5996ـی پاک و خاوێنی لە بەرهەمە خۆراکییەکانی تورکیا، ئەم شێوازە کارکردنە بە هەموو شێوەیەک ناتەندروستە و هەڕەشەیە بۆ سەر ئاسایشی خۆراک.