ئەمشەو یارییە کوردییەکان لە وەرزین ببینە
رووداو -ههولێر
پڕۆگرامی ئەمشەوی وەرزین کە کاژێر ١٠:٣٠ پێشکەشدەکرێت تایبەتە بە یاری و وەرزشە کوردەوارییەکان.
وەرزینی ئەمجارە کە لە ناوچەی خۆشناوەتی شاری هەولێر تۆمارکراوە، ئاوڕ لە وەرزشە کوردییەکان دەداتەوە و چەندین کەسایەتی و شارەزای یارییە کوردییەکان بەشداری لە بەرنامەکە و دووبارەکردنەوەی وەرزشە کوردییەکاندا دەکەن.
بەرنامەکە بە دوای وەڵامی ئەو پرسیارەدا دەگەڕێت ئاخۆ چ وەرزشێکی کۆنی کوردەواری ئێستا بووەتە وەرزشێکی جیهانی.
بەشدارانی بەرنامەکە بەشداری لە چەندین یاری و پێشبڕکێی کوردەواریدا دەکەن، لەوانەش فەردانێ، هەلوکێن (هەلیک و پەلیک)، حەبل راکێشان و تەڵە و رێوی، دامە و کڵاوکڵاوێن.
وەرزین هەموو دووشەمەیەک کاژێر ١٠:٣٠ ی شەو لە رووداو پێشکەشدەکرێت.
وەرزین لە پرۆدیوسەر و پێشکەشکردنی رێبوار محەمەد، دەرهێنانی سامان عەدنان، مۆنتاج: مەسعود مستەفا.