کچان و کوڕانی پێشمەرگەی سلێمانی خۆیان بۆ راکردنی ماوە درێژ ئامادە دەکەن
یاریزانانی گۆڕەپان و مەیدانی پێشمەرگەی سلێمانی خۆیان بۆ ئەو راکردنە ماوە درێژی یانەکانی عێراق ئامادە دەکەن، کە بڕیارە لەسەر رێگای هەولێر پرێ ئەنجام بدرێت.
یاریزانە کچ و کوڕەکانی یانەکە رکابەرییەکان بە قورس دەزانن و دووپاتیشی دەکەنەوە ئەوان ئەزموونی باشیان لە پاڵەوانیەتییەکانی رابردوودا هەیە و دەتوانن ئەنجامی باش بەدەست بهێنن و ئەندامیەتی هەڵبژاردەی گۆڕەپان و مەیدانی عێراق مسۆگەر بکەن.