فێدێر و نادال رۆڵاند گارۆس دەگەیێننە لووتکە
رووداو - هەولێر
رۆجێر فێدێرێر، دوای یارییەکی ماراسۆنی و پڕ رکابەری خۆی گەیاندە قۆناخی پێشکۆتایی تێنسی رۆڵاند گارۆس.
لە قۆناخی هەشتی پاڵەوانێتییەکەدا، مایسترۆ لە دێربی سویسرادا رووبەڕووی ستانسیلاس فاڤرینکای هاونیشتمانی بووەوە، هەردوو تێنسزانەکە یارییەکی بەهێز و سەرنجڕاکێشیان ئەنجامدا.
سەرەتا فێدێرێر کۆمەڵەی یەکەمی بە حەوت شەش بردەوە، دوای ئەوە شەش چوار دۆڕا، پاشان دوو کۆمەڵەی لەسەریەکی بە حەوت شەش و شەش چوار بردەوە و خۆی گەیاندە قۆناخی داهاتووی پاڵەوانێتییەکە.
لە قۆناخی داهاتوودا لە یارییەکی کلاسیکی و بەهێزدا فێدێرێر رووبەڕووی رافایێل نادال دەبێتەوە.
لەلایەن خۆیەوە رافایێل نادال دەرفەتێکی دیکەی بۆ گەیشتن بە نازناوی 12ـەیەمی پاڵەوانێتییەکە و تۆمارکردنی ریکۆردێکی مێژوویی لەسەر ئاستی کچان و کوڕان.
ماتادۆر لە قۆناخی پێشکۆتاییدا رووبەڕووی کی نیشیکۆری ژاپۆنی بووەوە و یارییەکەی بە سێ کۆمەڵەی بێبەرامبەر لە بەرژەوەندی خۆی یەکلاییکردەوە.
نادال هەر زوو باڵادەستی خۆی لە یاریگەدا دووپاتکردەوە و بە شەش یەک، شەش یەک و شەش سێ خۆی گەیاندە قۆناخی داهاتووی پاڵەوانێتییەکە.