ئیکەر کاسیاس و دێل بۆسکی پێکهاتنەوە
رووداو – هەولێر
ڤیسێنتی دێل بۆسکی، راهێنەری پێشووی هەڵبژاردەی ئیسپانیا و ئیکەر کاسیاس، گۆڵپارێزی بەناوبانگی ئەو هەڵبژاردەیە پێکهاتنەوە.
دێل بۆسکی پێشتر هێرشی کردبووە سەر کاسیاس و رایگەیاندبوو گۆڕانکاری لە هەڵبژاردەی ئیسپانیادا دەکات و دیڤید دیخیا لە جێگەی کاسیاس بەشداری لە یۆرۆی 2016دا کرد و ئیکەر تەنیا یەک خولەکیش یاریی نەکرد.
رۆژنامەی مارکای ئیسپانی وێنەیەکی کاسیاس و دێل بۆسکیی لە تویتەر بڵاوکردووەتەوە و لە وێنەکەدا هەردوولا بەپێکەنینەوە دەردەکەون و سەرچاوە رۆژنامەوانییەکانیش دەڵێن کێشەی نێوان ئەو دوو ئیسپانییە کۆتاییهات.
Así sellaban la paz esta mañana Casillas y Del Bosque https://t.co/1vuHHPo1lE pic.twitter.com/deUrzT5A32
— MARCA (@marca) July 4, 2016
ڤیسێنتی دێل بۆسکی، لە ساڵی 2008 پۆستی راهێنەرایەتی لارۆخای وەرگرت، دوای دۆڕانیان بە ئیتالیا لە قۆناخی شازدەی یۆرۆی 2016 راهێنەرەکە دەستی لە پۆستەکەی کێشایەوە.