ریال مەدرید بەنهێنی کار بۆ دوو گرێبەستی گرنگ دەکات

 

لەناو بێدەنگییەکی تەواو و ستراتیژییەتێک کە پشتی بە وردبینی بەستووە نەک خێرایی، ریال مەدرید لە پشت پەردەوە کار دەکات بۆ دانانی یەکەمین دەستپێک بۆ دوو گرێبەست کە لەوانەیە گۆڕانکاری گەورە لە وەرزی داهاتوودا دروست بکەن.

 

باسەکە لەسەر ئەستێرەکانی سوپەر یان گرێبەستە گرنبەهاکان نییە، بەڵکو لەسەر جوڵەیەکی زیرەکانە و کەم تێچووە کە لەوانەیە ببێتە هۆی بەرزکردنەوەیەکی بەرچاوی کوالێتی تیپەکە.

 

تاوەکو ئێستا، هیچ راگەیاندنێکی فەرمی یان دانوستاندنێکی ئاشکرا نییە، بەڵام سەرچاوەکانی نزیک لە ڤاڵدیبیباس دووپاتیدەکەنەوە کە کارگێڕیی یانەکە بەسەرکردایەتی فلۆرێنتینۆ پێرێزی سەرۆکی ریال مەدرید دوو ئامانجی روونی بۆ قۆناخی داهاتوو دیاری کردووە. لە کاتێکدا هاندەران چاوەڕێی ئەوەن کە لە میرکاتۆدا چی روودەدات، وادیارە بڕیارەکە لەناو نووسینگەکانی یانە شاهانەدا دراوە.

 

یانەکە کار لەسەر گرێبەستێکی دووانەیی دەکات کە هەردوو یاریزان ئیبراهیما کۆناتێی فەرەنسی و نیکۆ پازی ئەرجەنتینی لەخۆدەگرێت. یەکەمیان گرێبەستەکەی لەکاتێکی گونجاودا کۆتایی دێت و دووەمیان مەرجێکی هەڵوەشاندنەوەی هەیە کە لەدەست کارگێڕییەکەدایە.

 

هەردوو گرێبەستەکە پێویستیان بە بودجەیەکی زۆر نییە، بەڵام وەک قازانجێکی هونەری راستەقینە سەیر دەکرێن، بەتایبەتی کە یەکێکیان دەرچووی ئەکادیمیای ریال مەدریدە و ئەوەی دیکەشیان خاوەنی ئەزموونێکی زۆرە لە ئاستی نایابدا.

 

نیکۆ پاز بەتایبەتی سەرنجی هەمووانی راکێشاوە دوای ئاستە درەوشاوەکەی لە خولی ئیتاڵی لەگەڵ یانەی کۆمۆ، کە بووە یەکێک لە باشترین یاریزانانی تیپەکە و کاریگەرترینیان، ئەمەش کارگێڕییەکەی هانداوە بەجددی بیر لە گەڕاندنەوەی بکاتەوە بۆ سانتیاگۆ بێرنابیۆ بۆ ئەوەی ببێتە بەشێک لە پڕۆژەی نوێی تیپەکە.

 

 

سەبارەت بە کۆناتێ، سەرەڕای هەندێک گومان لەسەر ئاستی لەگەڵ لیڤەرپوول لەم دواییانەدا، بەڵام ریال مەدرید گومانی لە تواناکانی جەستەیی و تاکتیکی ئەو نییە و وەک چارەسەرێکی بەرگری درێژخایەن سەیر دەکرێت ئەگەر بارودۆخەکە بخوازێت، بەتایبەتی لە سایەی سیاسەتی نوێکردنەوەی بەردەوام لەناو تیپەکەدا.

 

لە بەرامبەردا، یانەکە وریایە و هاوکات کار لەسەر چاودێریکردنی ناوی یەدەگ بۆ هەمان شوێنەکان دەکات بۆ هەر حاڵەتێکی کتوپڕ، ئەمەش بژاردەیەکی باش بە کارگێڕیی دەبەخشێت بۆ وەرگرتنی بڕیاری کۆتایی لە کاتی گونجاودا.

 

 

سەرەڕای ئەوەی بڕیارەکە بەفەرمی رانەگەیێندراوە، بەڵام ئاماژەکان وا دەردەخەن کە نیکۆ پاز نزیکە لە گەڕانەوە، بەتایبەتی کە کارگێڕیی وەک 'ئەستێرەیەکی داهاتوو' سەیری دەکات کە دەتوانێت لە ساڵانی داهاتوودا گۆڕانکاری دروست بکات.

 

لەوانەیە وەک یاریزانی سەرەکی دەست پێنەکات، بەڵام چابی ئەلۆنسۆ وەک توخمێکی کاریگەر لە پڕۆژەی پەرەپێدانەکەدا دەیبینێت، کە یانەکە لە چەند وەرزێکەوە سەرپەرشتی دەکات.