مێسی بە پەیامێک جیهان دەهەژێنێت

 

مێسی لە هەڤپەیڤینێکی نوێدا قسەیکردووە و دەڵێت "مۆندیال زۆر زەحمەتە، هەموو تیپەکان دەتوانن دۆخەکەت بۆ قورس بکات، دەتوانێت لەناوت ببات، رەنگە تۆپەکە بەر ستوون بکەوێت و بچێتە دەرەوە، یان بەر ستوون بکەوێت و ببێتە گۆڵ و بەو شێوەیە کاروانەکەت کۆتایی بێت."

 

لیۆ زیاتر قسەیکردووە و دەڵێت "رەنگە بەلێدانی یەکلاکەرەوە بدۆڕێیت و بچیتە دەرەوە، لە دوایین مۆندیالدا کاروانەکەمان بەختێکی باشمان هەبوو، سەرەڕای ئەوەی زۆر سەرکەوتوو بووین لە یاریی بەرامبەر هۆڵەندا و فەرەنسا، چووینە لێدانی یەکلاکەرەوە و دوای ئەوە دێوەزمە مارتینێز سەرکەوتنی بۆ بەدەستهێناین، بەڵام دەکرێت ئەوە رووبدات بگەیتە لێدانی یەکلاکەرەوە و سەرکەوتوو نەبیت، بۆیە بردنەوەی مۆندیال زۆر زەحمەتە."

 

لە وەڵامی پرسیارێکدا ئایا دەتوانن ئەوە دووبارەبکەنەوە کە لە قەتەر کردیان؟ مێسی گوتی "بەڵێ، پێموایە ئەو تیپەی ئێستامان جارێکی دیکە هەوڵدەداتەوە و هەموو شتێک دەکات لەپێناو بردنەوەی مۆندیال."

 

قسەکانی لیۆنێل مێسی، لەبارەی ئەوەی بۆ جاری دووەم لەسەریەک مۆندیال ببەنەوە، لەکاتێکدایە رۆژی هەینی تیروپشکی مۆندیالی 2026 رادەکێشرێت و ئەرجەنتینی پاڵەوانی مۆندیالی رابردوو لە ئاستی یەکەمە.