کەمپی کەورگۆسک 15 تیپی تۆپی پێی هەیە
وەرزش لە ناو گەنجانی کەمپی کەورگۆسک هەوادارێکی زۆری هەیە، بەڵام نەبوونی پاڵپشتیەکی بەهێز وایکردووە ئەم گەنجانە خولیاکانیان بۆ وەرزش تێر بکەن.
گەنجانی کەمپی کەورگوسک سەرەڕای بوونی کۆمەڵێک کێشە و نەبوونی پاڵپشتی بەردەوامن لە وەرزش کردن.
ئەم کەمپە کە شوێنی حەوانەوەی ئاوارەکانی کوردانی رۆژئاوایە، ١٥ تیپی تۆپی پێ هەیە کە دوو سەد گەنج رۆژانە خەریکی یاریی کردن و وەرزش کردنن، بۆ ئەوەی دوور بکەونەوە لە خەم و ئارێشەی ئەو ژیانەی ئێستا تێیدان.
-خەلیل عەبدولمەجید / یاریزانی کەمپی کەورگۆسک
نەبوونی جلوبەرگ و پێڵاوی وەرزشی لەگەڵ نەبوونی یاریگایەکی تایبەت بەم وەرزشوانانە خەمێکی گەورەی لە دڵیان دروست کردووە.
-ریاز حەسەن / سەرپەرشتیاریی وەرزشوانی کەمپی کەورگۆسک
لەناو ئەم کەمپی کەورگۆسک هەژدە قارەمانیەتی تۆپی پێ کراوەتەوە، هەروەها یانزە یاریزانی ئاست بەرز کە پێشتر یارییان دەکرد لە یانەکانی رمێلان، جیهاد، جەیش و حەمس هەڵبژاردەی رۆژئاوای کوردستانیان دروست کردووە.
-محەمەد زەکی / راهێنەری کەمپی کەورگۆسک
وەرزش ئەوەندە خۆشەویستە لە ناو گەنجانی کەورگۆسک تا ئێستا ١٨ قارەمانیەتیان ساز کردووە، بۆ داهاتووش دەیانەوێت قارەمانیەتی تایبەت بۆ یاریزانی ئاستی منداڵان و تازەپێگەیشتوان بکەنەوە.