ڤیدیۆ؛ بایرن و کەین لە بردنەوە ناوەستن

 

 

دوای تەنیا 15 چرکە لە دەستپێکردنی یارییەکە لویس دیاز گۆڵی پێشکەوتنی بۆ بایرن میونشن تۆمارکرد و یانەی میوان پێشکەوت.

 

لە خولەکی 27 هاری کەین بەلێدانێکی بەهێز گۆڵی دووەمی بۆ باڤارییەکان تۆمارکرد و ژمارەی گۆڵەکانی لەم وەرزەی بوندێسلیگادا گەیاندە 11 گۆڵ.

 

لە نیوەی دووەمدا کەین نزیکبوو گۆڵی سێیەم بکات، بەڵام ستوون رێگەی نەدا.

 

هێرشەکانی بایرن میونشن بەردەوامبوون و لویس دیاز لە هەوڵێکی تاکەکەسیدا گۆڵی دووەمی خۆی و سێیەمی یانەکەی تۆمارکرد.

 

بایرن یارییەکەی بە سێ گۆڵی بێبەرامبەر بردەوە، شەشەم سەرکەوتنی لەسەریەکی بەدەستهێنا و بووە خاوەنی 18 خاڵ و لە پلەی یەکەمی ریزبەندی خولی ئەڵمانیایە.