دوو خوشک یەکەمی راکردنی ئافرەتانی هەولێر بوون
ئەم چالاکیە وەرزشیە بە بەشداریی سەد و چوار ئافرەت لە ناو تراکەکانی شوێنی راکردن لە پارکی سامی عەبدولڕەحمان بەڕێوەچوو کە ماوەکەی دوو کیلۆمەتر و نیو بوو.
ململانێ نەبیندرا لە نێوان بەشداربووان، هەر بۆیە هەریەک لە شەونم قادر و بەفرین قادر لە پلەکانی یەکەم و دووەم هاتن، پلەی سێیەمیش بەر فاتمە کاوە کەوت.
بەشداریی کردنی ئافرەتانی وڵاتانی ئێران، تورکیا، ئەوروپا لەگەڵ ئەمریکا دیمەنێکی دیاریی کێبرکێکە بوو.
رێکخەرانی ماراسۆنی هەولێر پلانیان وایە شەممەی داهاتوو هەمان راکردن لەسەر ئاستی کوڕان ساز بکەن.