ئاگر لە ماڵی ئەستێرەیەکی بەنێوبانگی ریال مەدرید کەوتەوە

 

 

بەپێی هەواڵی میدیای ئیسپانیا، بەهۆی شورتی ئاگر لە ساونای ماڵی ڤینیسیۆس جونیۆر کەوتووەتە لە مەدرید.

 

رۆژنامەی مارکا هەواڵەکەی بڵاوکردووەتەوە و نووسیوویەتی "ئاگر لە ساونای ماڵی ڤینیسیۆس کەوتووەتەوە و بەتەواوی سوتاوە."

 

ئاگرەکە دوو نهۆمی ماڵی ئەستێرە بەرازیلییەکەی پڕ کردووە لە دوکەڵ، بەڵام هیچ زیانێکی گیانی و ژەهراویبوونێک نەبووە.

 

ئەم رووداوە لەکاتێکدا لە ماڵی یاریزانەکە روویداوە، ڤینیسیۆس جونیۆر لە ماڵەوە نییە و لەگەڵ هەڵبژاردەی بەرازیل لە سیئولە بۆ یارییەکی دۆستانە بەرامبەر هەڵبژاردەی کۆریای باشوور کە رۆژی هەینی کاژێر 14:00 دەکرێت.

 

تیمی فریاکەوتن هەر زوو چوونەتە ماڵی ڤینیسیۆس جونیۆر و ئاگرەکە کۆنتڕۆڵکراوە.