کریستیانۆ دەیەوێت وەڵامی رەخنەکان بەبردنەوە بداتەوە

 

لە گەڕی 13ـی خولەکەدا، هیلال لە یاریگەی خۆی بەرامبەر یانەی نەسڕ یاریی دەکات، هیلال لە پێشەنگی ریزبەندی خولەکەیە، 35 خاڵی هەیە و هیچ یارییەکی لەم وەرزەدا نەدۆڕاندووە، خاوەنی 11 بردنەوە و 2 یەکسانبوونە و دەیەوێت بەبردنەوەی یارییەکەی ئەمشەو جیاوازییەکەی لەگەڵ نەسڕ بۆ حەوت خاڵ بەرزبکاتەوە و شوێنی خۆی لە پێشەنگی ریزبەندی خولەکە بەهێزتر بکات.

 

نەسڕ لە سێ یاریی رابردوودا هیچ بردنەوەیەکی نەبردووە، دوو یاریی رابردووی بەرامبەر ئەهلی و قادسیە دۆڕاندووە، تیپەکە لە دۆخێکی باشدا نییە و بەهۆی ئەو ئەنجامانەی بەدەستیهێناون لەلایەن هاندەرانەوە رووبەڕووی رەخنەی زۆر بووەتەوە و بەشێکی هاندەران و شرۆڤەکارانی سعودیەش رەخنە لە کریستیانۆ رۆناڵدۆ دەگرن و دەڵێن چەند ساڵێکە لێرەیە هیچی بۆ یانەکە نەکردووە.

 

کریستیانۆ رۆناڵدۆ بەرامبەر یانەی هیلال بەشێوەیەکی گشتی 8 یارییکردووە، 3 گۆڵ و ئاسیستێکی هەبووە و دەیەوێت ئەمشەو لە دەرەوەی یاریگەی خۆیان بەبردنەوەی یارییەکە بگەڕێنەوە نێو رکابەرییەکە و وەڵامی رەخنەکان بداتەوە.