لێدوانێکی ئاگرینی ئێمباپێ لەبارەی رۆناڵدۆوە

 

ئێمباپێ لە لێدوانێکی نوێدا لەبارەی کریستیانۆ رۆناڵدۆوە دەڵێت "ئەو هەمیشە نموونە بووە بۆ من، نەک تەنیا بەهۆی دەستکەوتەکانی لە یاریگەدا جیاوازە، بەڵکو جیاوازییەکەی بەهۆی پابەندی و ماندووبوونییەوەیە، قسەکردنل لەگەڵ ئەو، وەرگرتنی ئامۆژگاری لێی شانازییەکی گەورەیە بۆ من و هەمیشە پاڵپشت و هاندەری من بووە."

 

کیلیان زیاتر لەبارەی کریسەوە قسەیکرد و گوتی "رۆناڵدۆ مەرجەعی ریال مەدریدە و گەورەترین هێمای یانەکەیە، هەرچەند زۆر بەسەر رۆیشتنیدا تێپەڕیووە، بەڵام هێشتا خەڵکی مەدرید سەرسامن پێی و بەردەوام قسەی لەبارەوە دەکەن."

 

ئێمباپێ لە کۆتایی قسەکانیدا دەڵێت "رۆناڵدۆ بەلای منەوە هەمیشە باشترینە، ئەگەر یاریزانی تۆپی پێ بیت، مەحاڵە شتێک لە کریستیانۆ فێر نەبیت."

 

کیلیان ئێمباپێ و کریستیانۆ رۆناڵدۆ پەیوەندییەکی بەهێزیان بەیەکەوە هەیە، کیلیان لە منداڵییەوە هاندەری دۆنە و هەمیشە ئەستێرە پۆرتوگالییەکە بە نموونەی باڵای خۆی دەزانێت، لە ماوەی رابردووشدا رایگەیاند، کاتێک لە دۆخێکی دەروونی خراپدا بوو پەیوەندیی بە رۆناڵدۆوە کردووە بۆ ئەوەی هاوکاریی بکات.