بەرنامەی بارسێلۆنا بۆ فەرەنسا و رووبەڕووبوونەوەی لیۆن

رووداو - هەولێر

یانەی بارسێلۆنا، دوای بردنەوەیەکی زەحمەت لە یانەی ڤایادۆلید لە رکابەرییەکانی لالیگادا بە گۆڵێکی بێبەرامبەر، خۆی بۆ رووبەڕووبوونەوەی یانەی لیۆنی فەرەنسی ئامادەدەکات.

رۆژی دووشەممە، بارسێلۆنا بە هەموو ئامادەکارییەکەوە کاژێر 10:30 لە بارسێلۆناوە بەرەو لیۆن بەرێدەکەوێت، کاژێر 12:00 بڕیارە یانەکە بگاتە فەرەنسا و بچێتە هۆتێلی لیۆن ماریۆت بۆ پشوودان.

دوای وەرگرتنی پشوویەکی چەند کاژێری، ئێرنێستۆ ڤالڤێردی، راهێنەری یانەکە و یاریزانێک کە تاوەکو ئێستا دیاریینەکراوە لە کاژێر 18:00 کۆنگرەی رۆژنامەڤانی ئەنجامدەدەن.

کاژێر 19:00 لەسەر یاریگەی گروباما بارسێلۆنا دوایین مەشق و راهێنانی خۆی بۆ یارییەکە ئەنجامدەدات.

ساموێل ئومتیتی دوای ئەوەی لە پێکان گەڕایەوە، راپۆرتی پزیشکیی وەرگرتووە و بۆ بەشدارییکردن لە یارییەکە بەتەواوی ئامادەیە.

رۆژی سێشەممە، کاژێر 23:00 لە یاریی چوونی قۆناخی شازدەی خولی یانە پاڵەوانەکانی ئەوروپا، بارسێلۆنا لە دەرەوەی یاریگەی خۆی بەرامبەر لیۆن یارییدەکات.