نیوکاسل راهێنەری نوێی دیارییکرد
رووداو - هەولێر
یانەی نیوکاسلی ئینگلیزی بەفەرمی گرێبەستکردنی لەگەڵ ستیف بروس راگەیاند، بۆ بەڕێوەبردنی پۆستی راهێنەرایەتی یانەکە.
یانەکە لەسەر ماڵپەری فەرمی خۆی گرێبەستکردنی لەگەڵ ئەو راهێنەرە 58 ساڵە راگەیاندووە و بۆ ماوەی سێ ساڵ، مەشق و راهێنان بە یانەکە دەداتەوە لە یاریگەی سانت جەیمس پارک و جێگەی رافایێل بێنێتێزی ئیسپانی دەگرێتەوە.
لە پۆستە نوێیەکەی بروسیدا، هەریەکە ستیف ئانیۆ و ستیڤن کلیمنس هاوکاریی دەکەن، لەپێناو بردنە پێشەوەی یانەکە و باشترکردنی ئەنجامەکانی.
Newcastle United can now announce that Steve Bruce has been appointed as the club's new head coach.
— Newcastle United FC (@NUFC) July 17, 2019
More here: https://t.co/BTjZACgqtb #NUFC pic.twitter.com/IvhafgljYf
بروس لە دوای بوون بە راهێنەری نیوکاسل بە کەناڵی یانەکەی گوت، من زۆر دڵخۆشم و هەست بە شانازییەکی گەورە دەکەم، وەک راهێنەری نیوکاسل دەستنیشانکراوم، ئەمە ئەو یانەیە منداڵی من و یانەی باوکیشم بوو، ئەمە کات و ساتێکی زۆر تایبەتە بۆ من و خانەوادەکەم.
راهێنەرە بەریتانییەکە زیاتر گوتی، تاقیکردنەوەیەکی زۆر گەورە لەبەردەم ئێمەیە، بەڵام ئێمە ئامادەین و دەمانەوێت هەموو شتێک لەپێناو بەدەستهێنانی ئەنجامی باش بۆ یانەکە بکەین.