ڤیدیۆ؛ رامۆس گۆڵی تۆمارکرد و رێگەی نەدا ئینتەر بیباتەوە

 

لە رکابەرییەکانی کۆمەڵەی پێنجەمدا و لە یەکەم یارییدا لە پاڵەوانێتییەکەدا، یانەی ئینتەرمیلانی ئیتاڵی یەکەم یاریی خۆی لەژێر سەرپەرشتی کریستیان چیڤۆی راهێنەری نوێی یانەکە ئەنجامدا و دوو خاڵی لەدەستدا.

 

سەرەتا لە خولەکی 25 سێرجیۆ رامۆس بەلێدانی سەر گۆڵی پێشکەوتنی بۆ یانەی مۆنتێری تۆمارکرد و مەکسیکییەکان پێشکەوتن.

 

لە خولەکی 41 لاوتارۆ مارتینێز ئەنجامەکەی بۆ نیرازۆری یەکسانکردەوە.

 

دوای ئەوە هەردوو یانە لە هەوڵەکانیاندا بۆ تۆمارکردنی گۆڵی زیاتر سەرکەوتوو نەبوون و یارییەکە بەیەکسانبوون بە گۆڵێک بۆ هەرلایەک کۆتاییهات.

 

یاریی داهاتووی ئینتەرمیلان بەرامبەر یانەی ئواراوای ژاپۆنییە و مۆنتێری رووبەڕووی ریڤەرپلەیت دەبێتەوە.