ئەمڕۆ تیروپشکی قۆناخی چارەکی کۆتایی جامی شای ئیسپانیا ئەنجام دەدرێت

 

هەشت تیپ بەشداری لە تیروپشکەکەدا دەکەن، دوای ئەوەی پاڵەوانێتییەکە گەیشتە قۆناخی هەشت.

 

 

بارسێلۆنا، ئاتلێتیکۆ مەدرید، ئاتلێتیک بیلباو، ریال سۆسیداد، ریال بێتیس، ڤالێنسیا، دیپۆرتیڤۆ ئالاڤێس و ئەلباسێتی

 

یانەی ئەلباسێتی تاکە یانەی پلەدووی ئیسپانیایە کە تاوەکو ئێستا لەنێو رکابەرییەکەدا ماوەتەوە.

 

هەموو تیپەکان لە ناو یەک دەفردا  دادەنرێن بەبێ هیچ مەرج و سنووردارکردنێک، بە واتای هەر تیپێک ئەگەری هەیە رووبەڕووی هەر تیپێکی دیکە ببێتەوە. 

 

یارییەکانی قۆناخی چارەکی کۆتایی بەشێوازی یەک یاریی یەکلاکەرەوە ئەنجام دەدرێن، براوەکان راستەوخۆ دەگەنە قۆناخی پێش کۆتایی، لەم قۆناخەدا تەنیا یەک یاری پێویستە بۆ گەیشتن بە چوار تیپی کۆتایی.

 

3،4 و5  مانگی 2 بەرێوەدەچن، کاتی دەستپێکردنی یارییەکان دواتر رادەگەیێنرێت.

 

 

بەپێی یاساکانی جامی شا، کاتێک تیپێکی پلە نزمتر رووبەڕووی یانەیەکی پلە باڵاتر دەبێتەوە، دەبێت یارییەکە لە یاریگەی یانە پلەنزمەکە ئەنجام بدرێت، ئەلباسێتی وەک تاکە یانەی خولی پلەدوو کە مابێتەوە، لە یاریگەی خۆی یاری دەکات، بێگوێدانە ئەوەی کێ دەبێتە رکابەری.

 

 

یارییەکانی قۆناخی پێش کۆتایی بەشێوازی چوون و هاتن ئەنجام دەدرێن، یاریی کۆتایی تەنیا یەک یاری دەبێت و لە یاریگایەکی بێلایەن بەڕێوە دەچێت.

 

ئەم تیروپشکە قۆناخێکی یەکلاکەرەوەی پاڵەوانێتییەکە دەستپێدەکات، کە تێیدا یانە گەورەکانی ئیسپانیا تەنیا یەک سەرکەوتنیان ماوە بۆ گەیشتنە قۆناخی پێش کۆتایی چاوەڕوان دەکرێت یاریی لووتکە و ئاگرین لەم قۆناخەدا ئەنجامبدرێت.