ئیکەر کاسیاس ئامادەی کلاسیکۆ دەبیت
رووداو - هەولێر
ئیکەر کاسیاسی گۆڵپارێزی پێشووی یانەی ریال مەدرید و ئێستای یانەی پۆرتۆی پۆرتوگالی بۆ هاندانی یانەکەی پێشووی لە یاری کلاسکۆدا دەگەڕێتەوە مەدرید.
ماڵپەری یانەی پۆرتۆ بڵاویکردووەتەوە، ئیکەر کاسیاس بۆ یارییەکە دەگەڕێتەوە مەدرید و ئامادەی کلاسیکۆ دەبێت، لە کاتێکدا دوای شازدە ساڵ یاریکردن لەو یانەیە یەکەم کلاسیکۆییە بێ بەشداریکردنی کاسیاس ئەنجامدەدرێت.
سبەی شەممە کاژێر 20:15 یانەی ریال مەدرید لە سانتیاگۆ بێرنابیۆ میوانداری بارسێلۆنا دەکات و چەندین کەسایەتی وەرزشیش بۆ بینینی یارییەکە لە مەدریدن.