گانەرز دەیەوێت پارێزگاری لە پلەی یەکەم بکات

 

یارییەکانی گەڕی 17ـی پرێمەرلیگ دەستپێدەکەن، کاژێر 20:30 گانەرز لە دەرەوەی یاریگەی خۆی دەبێتە میوانی ئێڤێرتۆن و پێویستی بەبردنەوەیە بۆ ئەوەی شوێنی خۆی لە پێشەنگی ریزبەندی خولەکە بەهێزتربکات و پلەی یەکەم نەکەوێتە مەترسییەوە.

 

ئارسیناڵ دوای دۆڕانەکەی بەرامبەر ئاستۆن ڤیلا دوو بردنەوەی دوو بردنەوەی لەسەریەکی لە چامپیۆنزلیگ و پرێمەرلیگدا تۆمارکرد، بەڵام بەرامبەر ولڤەرهامپتۆن رووبەڕووی زەحمەتییەکی زۆر بووەوە تاوەکو یارییەکەی بردەوە، بۆیە ئەمشەو لەندەنییەکان نایانەوێت بکەونە هەمان دۆخەوە.

 

گابریێل ماگالایس، کریستیان موسکێرا، کای هاڤێرتز، ماکس دۆمان و بێن وایت پێکانیان هەیە و میکێل ئارتێتا ناتوانێت سوودیان لێ وەربگرێت.

 

ئێڤێرتۆن لە پلەی نۆیەمی ریزبەندی خولەکەیە و یاریی رابردووی بەرامبەر چێڵسی دۆڕاندووە، بەرامبەر یانە گەورەکانی ئینگلتەرا تەنیا لە مانچێستەر یونایتدی بردووەتەوە، بەرامبەر لیڤەرپوول، مان سیتی و چێڵسی دۆڕاوە و دەیەوێت بۆ بردنەوەی لە ئارسیناڵ سوود لە یاریگە و هاندەرانی وەربگرێت.