فلیک بڕیارێکی ئاگرین لەدژی لامین یامال دەدات

 

دۆڕانەکەی بارسێلۆنا بەرامبەر جیرۆنا لەناو ژووری جلگۆڕینیدا بەئاسانی تێنەپەڕی. دەستەی هونەری بە هەستێکی روونی پەشیمانییەوە یاریگەی مۆنتیلیڤیان جێهێشت، دوای ئەوەی تیپەکە هەلێکی زێڕینی سێ خاڵی لەدەستدا کە لە بەردەستیدا بوو، ئەمەش بەو باوەڕەی کە وردەکارییە بچووکەکان چارەنووسی پێشبڕکێی  لالیگا دیاری دەکەن.

 

هانزی فلیک، راهێنەری تیپەکە، دوای یارییەکە جەختی لەوە کردەوە کە تیپەکە چیدی ئەو دەرفەتەی نییە هەلەکان بەفیڕۆ بدات، بەتایبەتی لەو یارییە نزیکانەی کە لەوانەیە تەنیا دیمەنێک یان ساتێک یەکلاییان بکاتەوە.

 

یەکێک لە دیارترین ئەو دۆسێیانەی پێداچوونەوەیان بۆ کرا، دۆسێی لێدانە سزاکان بوو. فلیک مشتومڕە ناوخۆییەکانی کۆتایی پێهێنا و بڕیاریدا سیستمێکی روون پەیڕەو بکات، تاوەکو رافینیا لە ناو یاریگەدا بێت، ئەو دەبێتە جێبەجێکاری یەکەم بەبێ هیچ گفتوگۆیەک.

 

بڕیارەکە سزاکارانە نەبوو، بەڵکو تەنیا بڕیارێکی هونەری بوو، بەپشتبەستن بەمێژووی یاریزانە بەرازیلییەکە و سەقامگیریی دەروونی لە ساتە یەکلاکەرەوەکاندا. دەستەی هونەری پێیانوایە کەمکردنەوەی رێژەی هەڵە لەو جۆرە دۆخانەدا، هاوتایە لەگەڵ تۆمارکردنی "نیو گۆڵ" لە یارییە لووتکەکاندا.

 

 

بڕیارەکە راستەوخۆ کاریگەری لەسەر لامین یامال دەبێت، کە لە ماوەی رابردوودا هەوڵی دەدا بەرپرسیارێتی جێبەجێکردنی لێدانە سزاکان بگرێتە ئەستۆ، و یەکێکیشیان لە رووبەڕووبوونەوەی جیرۆنادا بەفیڕۆدا. سەرەڕای متمانەی زۆر بە بەهرەی ئەم یاریزانە لاوە و کەسایەتییە بەهێزەکەی، بەڵام فلیک پێی باشبوو ریزبەندییەکی روون دابنێت بۆ ئەوەی لە ساتە چارەنووسسازەکاندا دووربن لە هەر دوودڵییەک.

 

 

لە ناو تیپەکەدا کۆدەنگییەک هەیە لەسەر پێویستی باشترکردنی کارایی هێرشبەری و قۆستنەوەی هەموو هەلێکی گونجاو، بەتایبەتی لە سایەی توندبوونی رکابەرییەکان لەسەر نازناوەکە. راهێنەرە ئەڵمانییەکە دەیەوێت هەر جۆرە گومانێک لە بڕیارە یەکلاکەرەوەکاندا بڕەوێنێتەوە و لێدانە سزاکان لە خاڵێکی مشتومڕەوە بگۆڕێت بۆ سەرچاوەیەکی متمانەی جێگیر.

 

ئامانجەکە سادەیە، بەڵام کاریگەرە؛ چیدی هەل لەدەستدان نەبێت، چونکە هەر لێدانێک لەوانەیە ببێتە جیاکەرەوەی نێوان بردنەوەی نازناوێک یان لەدەستدانی.