ماوەی دوورکەوتنەوەی پێدری راگەیێنرا

 

 

بارسێلۆنا لە راگەیێنراوێکی فەرمیدا نووسیوویەتی "دوای ئەوەی بەیانی ئەمڕۆ پشکنینی بۆ ئەنجامدرا، دەرکەوت پێدری لە ماسوولکەی دووسەری رانی راستیدا تووشی پێکانبووە، لە یاریی بەرامبەر سلاڤیا براگا و بەو هۆیەوە پێویستی بە یەک مانگ هەیە بۆ گەڕانەوە و چاکبوونەوە."

 

دوای راگەیاندنی ماوەی دوورکەوتنەوەی پێدری لە یاریگەکان، یاریزانەکە لە یارییەکانی بەرامبەر ریال ئۆڤیێدۆ، کۆپێنهاگن، ئێلچی، ئەلباسێتی، مایۆرکا، جیرۆنا و لێڤانتی یاری ناکات.

 

پێشتر هانزی فلیک، راهێنەری بارسێلۆنا رایگەیاندبوو، چاوەڕێی پشکنین دەبین بۆ ئەوەی بەتەواوی بزانین پێدری چییەتی و هیوادارین ماوەیەکی زۆر لە یاریگەکان دوورنەکەوێتەوە.

 

پێشتر پێدری چەندجارێک تووشی پێکانبووە، زۆرترینجار لە یاریگە دوورکەوتبێتەوە ماوەکەی 103 رۆژ بووە و بەشداریی لە 23 یاریی یانەکەدا نەکردووە، ئەویش لە وەرزی 2021-2022 بوو.

 

دوایینجار کە یاریزانەکە تووشی پێکانبوو 18-12-2025 بوو و 11 رۆژ لە یاریگەکان دوورکەوتەوە.

 

پێدری ئەستێرەیەکی دیاری بارسێلۆنایە و دوورکەوتنەوەی لە یاریگەکان کاریگەریی لەسەر پلانەکانی هانزی فلیک دەبێت.