تەڵەبە و نەورۆز لە یارییەکی پڕگۆڵدا یەکسانبوون

 

لە یارییەکی بەهێزی خولی ئەستێرەکانی عێراق، یانەی تەڵەبە میوانداری یانەی نەورۆزی کرد. گێمی یەکەمی یارییەکە بە پێشکەوتنی خاوەن ماڵ کۆتاییهات، دوای ئەوەی عەلی یوسف هاشم لە خولەکی 5ـی کاتی زیادکراوی گێمەکەدا گۆڵی یەکەمی تۆمارکرد.

 

لە گێمی دووەمدا یاریزانانی نەورۆز ئاستێکی بەرزیان نیشاندا و توانییان ریمۆنتادا بکەن و ئەنجامەکە پێچەوانە بکەنەوە. محەممەد رەزا لە خولەکی 62 ئەنجامەکەی یەکسانکردەوە. تەنیا 5 خولەک دواتر، مەروان حوسێن گۆڵی دووەمی بۆ نەورۆز تۆمارکرد و تیپەکەی پێشخست.

 

یارییەکە بەرەو کۆتایی دەچوو، بەڵام لە خولەکی 91 ناوبژیوان لێدانێکی سزای بۆ یانەی تەڵەبە هەژمارکرد. کرار محەممەد توانی بە سەرکەوتوویی لێدانەکە جێبەجێ بکات و خاڵێکی گرنگ بۆ یانەکەی بگەڕێنێتەوە. یارییەکە بە دابەشکردنی خاڵەکان بۆ هەردوولا کۆتاییهات.

 

نەورۆز ئێستا بە کۆکردنەوەی 43 خاڵ لە پلەی نۆیەمی ریزبەندی خولەکەیە و تەڵەبە بە 58 خاڵ لە پلەی چوارەم دێت