ڤیدیۆ؛ کینییەکان پاڵەوانی خۆیان و جیهانیان بەخاکسپارد

 

گیانلەدەستدانی راکەری بەنێوبانگی کینی، کە لە سەرەتای ئەم مانگەدا تووشی رووداوێکی هاتووچۆ بووبوو، هەموو کینییەکانی نیگەران کرد و داوایان لە حکومەتەکەیان کرد زیاتر کاربکات بۆ پاراستنی وەرزشوانانی بەنێوبانگی وڵاتەکە.

 

زۆر لە کەسایەتییە بەنێوبانگەکان لەوانەش ویلیام روتۆی سەرۆکی کینیا و سیباستیان کۆی سەرۆکی فیدراسیۆنی گۆڕەپان و مەیدانی جیهانی، لە ماڵئاوایی کۆتاییدا بەشدارییان کرد و هاوخومی خۆیان بۆ خێزان و هاوڕێ و هاندەرانی کیپتۆم نیشاندا، کاتێک لە شاری نایپێری بە خاک سپێردرا، کە نزیکەی 6 کیلۆمەتر لە شارەکەی چێپکۆریۆی رۆژئاوای کینیا دوورە.

 

راکەرە تەمەن 24 ساڵەکە و راهێنەرە روانداییەکەی، جێرڤایس حەکیزیمانا، لە رووداوەکەدا دوو هەفتە لەمەوبەر لە نزیک شارۆچکەی کاپتاگات لە رۆژئاوای کینیا، گیانیان لەدەستدا، کە  کە ئەو ناوچەیە وەک باشترین شوێن بۆ مەشق و راهێنانی باشترین راکەپێشبڕکێ رانی مەودا درێژەکان لە جیهاندا دادەنرێت.

 

دەسەڵاتداران رایانگەیاندووە، کیپتۆم شەوی 11ـی شوبات ئۆتۆمبێلەکەی لێخوڕیوە و ئۆتۆمبێلەکە لە رێگاکە دەرچووە و کەوتووەتە نێو دۆڵێکەوە و دواتر خۆی بە دارێکی گەورەدا کێشاوە.