ریال مەدرید و سێ یانەی دیکە سەرکەوتن بۆ قۆناخی 16

 

 

قۆناخی پاشکۆ چەندین سوپرایزی گەورەی بەخۆیەوە بینی، دیارترینیان دەرکرانی یانەی ئینتەر بوو کە پلەی دووەمی وەرزی رابردوو بوو، دوای ئەوەی لە هەردوو یاریی چوون و گەڕانەوەدا بەرامبەر یانەی بۆدۆ گلیمت دۆڕا، هەروەها بۆرووسیا دۆرتمۆند ماڵئاوایی کرد دوای ریمۆنتاداکەی یانەی ئاتاڵانتا کە لە یاریی چووندا 2-0 دۆڕابوو، بەڵام لە یاریی گەڕانەوەدا 4-1 سەرکەوت. 

لە لایەکی دیکەوە یانەی گاڵاتاسەرای توانی بە کۆی ئەنجامی هەردوو یاری 7-5 لە یانەی یۆڤینتوس بباتەوە و سەرکەوێت.

 

ریال مەدریدیش کورسییەکی قۆناخی 16ـی چامپیۆنزلیگی مسۆگەر کرد، دوای ئەوەی لە یاریگای سانتیاگۆ بێرنابیۆ بە ئەنجامی 2-1 لە یانەی بێنفیکای بردەوە.

 

ریال مەدرید بە کۆی ئەنجامی هەردوو یاری 3-1 سەرکەوتنی بەسەر بێنفیکادا بەدەستهێنا، ئەمەش دوای تۆمارکردنی دوو گۆڵ لەلایەن ئۆریلیان چوامینی و ڤینیسیۆس جۆنیۆر لە یاریی گەڕانەوەدا.

 

8 یانە راستەوخۆ دوای کۆتایی هاتنی قۆناخی خول  گەیشتبوونە قۆناخی 16 ، ئەوانیش: ئارسیناڵ، بایرن میونشن، تۆتێنهام، لیڤەرپوول، بارسێلۆنا، چێڵسی، مانچێستەر سیتی و سپۆرتینگ.

 

لە قۆناخی پاشکۆوە ئەم یانانە سەرکەوتنیان مسۆگەر کرد: ئاتلێتیکۆ مەدرید، بایر لیڤەرکوزن، نیوکاسڵ، بۆدۆ گلیمت، ریال مەدرید، ئاتالانتا، پاریس سانجێرمان و گاڵاتاسەرای.

 

تیروپشکی قۆناخی 16 رۆژی هەینی داهاتوو لە کاژێر 14:00 بە کاتی باشووری کوردستان ئەنجامدەدرێت.

 

بڕیارە یارییەکانی قۆناخی 16 لە رۆژانی 10،11ـی مانگی 3، و 17، 18ـی هەمان مانگ بەڕێوەبچن.