ئامەدسپۆر دەیەوێت بگەڕێتەوە سەر رێگەی راست

 

لە رکابەرییەکانی گەڕی هەشتەمی خولی پلە یەکی تورکیا، ئەمشەو یانەی ئامەدسپۆر لەنێو یاریگە و هاندەرانیدا میوانداریی یانەی ساریێر دەکات و دەیەوێت بگەڕێتەوە سەر رێگەی بردنەوەکان.

 

ئامەدسپۆر لە 6 یاریی رابردوودا سێ بردنەوە، یەکسانبوونێک و دوو دۆڕانی هەیە، ئەمشەو لەنێو یاریگە و هاندەرانی یاری دەکات و دەیەوێت سوود لە وە وەربگرێت بۆ ئەوەی بردنەوەیەکی دیکە تۆماربکات و زیاتر لە پلەکانی پێشەوەی ریزبەندی خولەکە نزیکببێتەوە.

 

یانەی ساریێر ئەنجامەکانی خراپن، لە شەش یارییدا هیچ بردنەوەیەکی نییە، 5 یاریی دۆڕاندووە و تەنیا یەکسانبوونێکی هەیە، یانەکە ئێستا بە یەک خاڵ لە پلەی نۆزدەیەمی ریزبەندی خولەکەیە.

 

ئامەدسپۆر لە یاریی گەڕی رابردوودا بە گۆڵێک بەرامبەر دوو گۆڵ بە یانەی ساکاریاسپۆر دۆڕا و دەیەوێت ئەمشەو قەرەبووی ئەو دۆڕانە بکاتەوە.

 

یانەکەی باکووری کوردستان لە 6 یارییدا، سێ بردنەوە، یەکسانبوونێک و دوو دۆڕانی هەیە و ئێستا بە 10 خاڵ لە پلەی نۆیەمی ریزبەندی خولی پلە یەکی تورکیایە.