بەفەرمی راهێنەرێکی پێشووی چێڵسی بووە راهێنەری مارسیلیا
رووداو - هەولێر
بەشێوەیەکی فەرمی یانەی مارسیلیای فەرەنسی، پۆستی راهێنەرایەتی یانەکەی دایە ئاندرێ ڤیلاش بواشی پۆرتوگالی.
مارسیلیا لەسەر ئەکاونتی فەرمی لە توویتەر، گرێبەستکردنی لەگەڵ ئاندرێ ڤیلاش بواش راگەیاندووە، دوای ئەوەی لە چەند رۆژی رابردوودا رودی گارسیا، بەهۆی ئەنجامە خراپەکانی یانەکە لەم وەرزەدا دەستیلەکارەکەی کێشایەوە و ماڵئاواییکرد.
Bienvenue à notre nouvel entraîneur, André Villas-Boas 🔵⚪️ #WelcomeAVB #OMnation pic.twitter.com/eOnS6WFGF6
— Olympique de Marseille (@OM_Officiel) May 28, 2019
بواشی 41 ساڵ ئەزموونێکی باشی لە کاری راهێنەرایەتیدا هەیە، پێشتر لە یانەکانی پۆرتۆ، چێڵسی، تۆتێنهام، زێنیت و شەنگەهای چینی کاریکردووە، بەڵام ماوەی 18 مانگ دەبێت هیچ کارێکی نەکردووە و بۆ وەرزی داهاتوو ئەزموونێکی نوێ لە خولی فەرەنسا تاقیدەکاتەوە.