ڤیدیۆ؛ سەنیگال بلیتێکی زێڕینی بڕی

 

هەردوو هەڵبژاردە لە قۆناخی هەشتی پاڵەوانێتییەکەدا، لەسەر یاریگەی ئەحمەدو ئاهیدجۆ رووبەڕووی یەکبوونەوە و سەرکەوتن بە ئەنجامی 3-1 بەشی سەنیگالییەکان بوو.

 

شێرەکانی تیرانگا لە خولەکی 28 لە رێگەی فامارا دیێدهیۆ گۆڵی پێشکەوتنیان کرد و نیوەی یەکەم بەو ئەنجامە کۆتاییهات.

 

لە نیوەی دووەمدا گینییەکان هەوڵیاندا ئەنجامەکە یەکسان بکەنەوە و دوای 11 خولەک بویلا ئەو کارەی کرد و تۆڕی سەنیگالی هەژاند.

 

سادیۆ مانێ و هاوڕێکانی سووربوون لەسەر بردنەوە و لە خولەکی 69 شیخۆ کۆیاتی جارێکی دیکە سەنیگالی پێشخستەوە، بەر لەوەی ئیسماعیلا سارا دوای 10 خولەکی دیکە گۆڵی سێیەمیش تۆمار بکات.

 

یارییەکە بە ئەنجامی 3-1 بۆ سەنیگال کۆتاییهات و بلیتی پێشکۆتایی وەرگرت، کە لەسەر گەیشتن بە یاریی کۆتایی بەرامبەر بورکینا فاسۆ یاری دەکات.