کڕیار و فرۆشیارەکە رکابەری لەسەر نازناوی جامی فەرەنسا دەکەن
رووداو - هەولێر
هەردوو یانەی پاریس سانجێرمان و مۆناکۆ رکابەری لەسەر بردنەوەی نازناوی جامی پیشەگەرەکانی فەرەنسا دەکەن، کاتێک ئەمڕۆ لە یارییەکی یەکلاییکەرەوەدا رووبەڕووی یەکدەبنەوە.
پاریس کڕیاریی زۆرترین یاریزان و مۆناکۆی فرۆشیاری زۆرترین یاریزانی یانەکە کاژێر 22:05 خولەک لەسەر یاریگەی ماتوت ئاتلانتیک لە بوردۆ رووبەڕووی یەکدەبنەوە و رکابەری لەسەر بردنەوەی نازناوەکە دەکەن.
یانەکەی پایتەخت چوار ساڵە لەسەریەک دەستی بەسەر نازناوەکەدا گرتووە و 7 جار نازناوەکەی بەدەستهێناوە، هەرچی مۆناکۆشە تاوەکو ئێستا تەنیا یەک نازناوی بردووەتەوە و چاوی لە بردنەوەی نازناوی دووەمی کوپ دێ لا لیگێ یە.