لە بەریتانیا بە چەقۆ هێرشکرایە سەر چەند کەسێک

 

هێرشەکە لە ناوچەیەکی سەرەکیی شارۆچکەی هالیفاکسی ناوچەی یۆرکشایەری رۆژئاوای ئینگلتەرا بوو و لە ئەنجامدا کەسێک گیانی لەدەستدا و دوو کەسی دیکەش بریندار بوون. 

 

پۆلیسی هالیفاکس بڵاویکردەوە، یەکێک لەو دوو کەسەی بریندارکراوە برینەکەی سەختە، بەڵام ئەوی دیکەیان برینەکەی سووکە و چارەسەری بۆ دەکرێت. 

 

پۆلیس چووەتە شوێنەکە و لێکۆڵینەوە دەستی پێکردووە بۆ ئەوەی بزانرێت وردەکاری و پاڵنەری پشت ئەنجامدانی هێرشەکە چییە.