ڤیدیۆ: لە هێرشێکی چەکداریدا لە رووسیا شەش پۆلیس کوژران

 

 

رووداوەکە ئێوارەی ئەمڕۆ یەکشەممە روویدا؛ چەکدارەکان هێرشیان کردە سەر دوو کەنیسە، پەرستگەیەکی جووەکان و بازگەیەکی پۆلیس.

 

هێرشەکان لە هەردوو شاری دەربێنت و مەکاچکالای داگستان روویاندا.

 

جگە لە شەش ئەفسەری پۆلیس، پیاوێکی ئایینی مەزهەبی ئۆرسەدۆکسی مەسیحی کوژراوە، هەروەها دوو لە هێرشکارەکان کوژراون.

 

لە سۆشیاڵ میدیا ڤیدیۆی شوێنەکان بڵاوکراونەتەوە کە دەسووتێن.

 

تائێستا ناسنامەی هێرشکارەکان رانەگەیێندراوە، بەڵام پێشتر هێرشی هاوشێوە لە لایەن گرووپی تووندئاژۆ لە داگستان روویانداوە.