بەریتانیا 2 ملیۆن پاوەند پێشکەشی منداڵانی پەنابەر دەکات
رووداو- هەولێر
بەریتانیا بڕی دوو ملیۆن پاوەند هاوکاری پێشکەشی منداڵانی پەنابەرانی سووری دەکات لە عێڕاق و هەرێمی کوردستان.
نزیکەی 200 هەزار پەنابەری سووری لە هەرێمی کوردستاندا هەن. پارەکە لەلایەن وەزارەتی پەرەپێدانی نێودەوڵەتی بەریتانیاوە پێشکەشی رێکخراوی یونیسێف دەکرێت بۆ دابینکرنی ئاو و خزمەتگوزاری پاراستنی منداڵانی پەنابەر.
لە راگەیەندەراوێکدا کە کۆپییەکی بۆ (رووداو) نێراوە، جەستن گرینین، وەزیری پەرەپێدانی نێودەوڵەتی بەریتانیا دەڵێت:"ژیانی منداڵانی سووری بەهۆی ململانێکانەوە تێکچووە. ئەوان رووبەڕووی چەندین ترس و ئەزموونی تاڵ بوونەتەوە و لە ماڵ و خێزان و دۆستەکانیان دوور کەوتوونەتەوە".
جەستن گرینین دەشڵێت "حکومەتی بەریتانیان ئەوە دڵنیادەکاتەوە کە منداڵە پەنابەرەکان هاوکاریان پێشکەدەکرێت، هەروەها هاوکارییەکە پشتگیری کارەکانی یونیسێف دەکات لە 5 کەمپە تازەکانی عێڕاق".