Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Rojhilata Navîn

Wezîrê Urdinî yê berê: Dewletên erebî ne li dijî referanduma Kurdistanê ne

Ji aliyê RÛDAW 16-8-2017
Salih Qellab
Salih Qellab

Hewlêr (Rûdaw) – Wezîrê Berê yê Ragihandina Urdinê û Nivîskar Salih Qellab ragihand, ku dewletên erebî ne li dijî referanduma serxwebûna Kurdistanê ne û bêdengiya wan, nîşaneya rizamendiyê ye.

 

Salih Qellab ji Rûdawê re diyar kir, ku helwesta Urdinê her dem li gel piştgiriya neteweya kurd e û got: “Di navbera Mele Mistefa Barzanî û Şah Husên de her dem pêwendiyeke bihêz hebû.”

 

Qellab aşkere kir, mafê kurdan e ku weke ereb, tirk û îraniyan xwediyê dewletekê bin û got: “ Mafê kurdan heye ku çarenûsa xwe diyar bikin û dewleteke serbixwe heq dikin.”

 

Li ser helwesta dewletên erebî ya di derbarê giştpirsiya serxwebûna Kurdistanê de ku dê 25ê Îlonê de were pêkanîn, Salih Qellab destnîşan kir: “Dewletên erebî heta niha helwesta xwe aşkere nekirine, lê weke gotina pêşiyên ereban 'Bêdengî nîşaneya rizamendiyê ye'.”

 

Herwiha Qellab amaje bi wê yekê kir, ku dewletên erebî li dijî serxwebûna Kurdistanê ti helwestek nîşan nedane û got: “Li ser referandumê, hetanî helwesta welatên erebî jî, ne li gel helwesta hikûmeta Iraqê ye.”

 

Salih Qellab destnîşan kir, ku 100 sal piştî rêkevtina Sykes-Picotê mafê kurdan e ku çarenûsa xwe diyar bikin û got: “Mafê kurdên Iraq, Îran, Tirkiye û Sûriyê heye ku 100 sal piştî rêkevtina Sykes-Picotê çarenûsa xwe diyar bikin, lê bi rêkevtin û jihevfêmkirina bi gelên herêmê re.”

 

Weke din Qellab diyar kir: “Herêma Kurdistanê serkevtinên nuwaze pêk anîne. Gelek caran min serdana wê derê kiriye. Min hin zanîngeh dîtin ku dikare bi zanîngehên cîhanî têkeve pêşbaziyê. Li wir jiyana siyasî û çandî ya bi asta bilind heye. Ji ber vê, divê ev pêşketin werin parastin.”

 

Wezîrê Berê yê Ragihandina Urdinê Salih Qellab herwiha got: “Nabe ku çarenûsa gelê kurd ê mezlûm bi pirsgirêkên Rojhilata Navîn ve were girêdan. Mafê rêveberiya kurdî ya li Herêma Kurdistanê heye ku rêya serxwebûnê hilbijêre û dewleta serbixwe ragihîne.”

 

Li ser helwesta rojavayê cîhanê ya di derbarê referandumê de jî Salih Qellab diyar kir, ku hetanî helwesta Amerîkayê jî li ser referandumê erênî ye, lê tenê ji ber rewşa herêmê dixwaze were paşxistin.

 

Weke din Qellab aşkere kir: “Welatên erebî yên weke Misir ku dewleteke mezin e, Erebistana Siûdî û Urdin, kurdan fêm dikin û piştgirî didin referandumê. Lê Îran û Tirkiye vê mijarê red dikin.”


Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

fer | 2019-01-20 7:41:06 AM
bişinin silemani ji..bajaré her welati re bişinin..! kurdistan ne tené hewleré ye...
Almanya 400 otobûsan dide Herêma Kurdistanê
| 19-1-2019 | (1)
Kurdim | 2019-01-20 5:43:16 AM
Serkeftin kurdé héja ra
Bi pasa golparêzê Kurd her kes matmayî bûn
| 19-1-2019 | (1)
Seid Ferhad Seid Mistefa | 2019-01-17 8:09:29 AM
Willah Hevalê Hêmin, bi hizra min ya baş ewe ku Kurd/ Kurdistan bi yêkcarî Dest ji Iran/Tirkîyê/Surîyê u Iraqê berde!!!! Ma eve 100-Sale me çi Xêr ji...
Nabe Îran dijmin be
| 16-1-2019 | (1)
Bewar sindy | 2019-01-17 4:27:43 AM
Aini av ajale mn le nava xabire zaxo da ditye
Li Dêrsimê dîmenên segê avê hatin tomarkirin
| 16-1-2019 | (1)

Li beşên din ên Rûdawê

0.64 seconds