Parlamentoya Iraqê îro dicive

Hewlêr (Rûdaw) - Biryar e îro parlamentoya Iraqê di derbarê sê mijaran de bicive û pêkanîna komîteyên dayîmî jî di bernameya karê parlamentoyê de ye.

Li gorî zanyariyên ku hatine belavkirin, dê îro piştî nîvro parlamena Iraqê bicive û di bernameya wê de jî dê dengdana li ser şêweyê biryardana derbarê pileyên taybet û biryarên hikumî de hebe.

Herwiha di civîna îro parlamentoya Iraqê de dê mijara pêkanîna komîteyên dayîmî yên parlamentoyê û herwiha plana navendî bêne gotûbêjkirin.

Piştî destbikarbûna xûla çarem a parlamentoya Iraqê, heta niha serokê parlamentoyê û serokomarê nû yê Iraqê hatine hilbijartin, herwiha Adil Ebdulmehdî ji fraksyona herî mezin a parlamentoyê weke serokwezîrê erkdarkirî bo pêkanîna hikûmeta nû hatiye diyarkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger