Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Cîhan

Fransa li ser referanduma Kurdistanê daxuyanî da

Ji aliyê RÛDAW 18-9-2017
Wezîrê Derve yê Fransayê, Jean-Yves Le Drian
Wezîrê Derve yê Fransayê, Jean-Yves Le Drian

Hewlêr (Rûdaw) - Wezîrê Derve yê Fransayê ragihand, niha ne dema referanduma Herêma Kurdistanê ye û daxwaz ji Kurdistan û Iraqê jî kir, ku gotûbûj û danûstandinê bikin.

 

Jean-Yves Le Drian ku bo beşdarbûn di civîna Komeleya Giştî ya Netewên Yekbûyî serdana Newy Yorkê kiriye, di konfranseke rojnamevanî de li ser mijara referanduma Başûrê Kurdistanê jî axivî.

 

Le Drian ragihand, niha ne dema encamdana referanduma Herêma Kurdistanê ye û banga diyalog û danûstandinan li Hewlêr û Bexdayê kir.

 

Wezîrê Derve yê Fransayê daxwaz ji Hewlêr û Bexdayê kir, ku nakokiyên xwe bi rêya diyalog û gotûbêjê çareser bikin.

 

Daxuyaniya Jean-Yves Le Drian di demekê de ye, ku biryar e di 25ê vê mehê (Îlon) de, ku heft roj mane, referanduma serxwebûnê li Başûrê Kurdistanê were encamdan û xelkê Başûrê Kurdistanê bi rêya sindogên dengdanê biryarê li çaresernivîsa xwe bikin.

 

Iraq, Tirkiye, Îran li dijî encamdana referanduma serxwebûnê ya Başûrê Kurdistanê ne û daxwaza paşxistin yan betalkirina referandumê dikin. Herwiha di asta navdewletî de, Amerîka, Brîtanya û çend welatên din jî têbînî li ser dema encamdana referandumê hene û daxwaza paşxistina referandumê dikin û dibêjin, niha ne dema referandumê ye.

 

Tevî wan nerazîbûn û dijatiyan, serkirdatiya siyasî ya Herêma Kurdistanê li ser sazkirina referandumê di roja 25ê Îlonê de rijd e û li hember paşxistina referandumê, daxwaza alternatîveke bihêz dike, ku bi vê alternatîvê mafê çarenivîsê yê gelê Başûrê Kurdistanê ji aliyê civaka navdewletî ve were garantîkirin.

 

Serokê Herêma Kurdistanê Mesûd Barzanî jî di daxuyaniyênx we yên herî dawî de tekezî li ser berdewambûna proseya referandumê û encamdana wê di 25ê Îlonê de kir.

 

Nûnerên Amerîka, Brîtanya û Netewên Yekbûyî jî roja 16ê vê mehê li Duhokê bi Mesûd Barzanî re civiyabûn û alternatîva referandumê pêşkêşî Barzanî kiribûn.

 

Mesûd Barzanî pêştir daxwaza alternatîveke bihêz li şûna referandumê bo gihîştina gelê Herêma Kurdistanê bi mafê diyarkirina çarenivîsa xwe kiribû, lê di daxuyaniya xwe ya dawî de li karnavala piştgiriya bo referandumê ya li Duhokê ragihand, ku êdî dema pêşkêşkirina alternatîvê derbas bûye û gelê Herêma Kurdistanê dê di 25ê Îlonê de herin ser sindoqên dengdanê.

 

Herwiha Encumena Bilinda Referandumê duh piştî civîna xwe ya li bajarokê Pîrmamê yê ser bi Hewlêrê ve di daxuyaniyekê de alternatîva niha ya bi piştgiriya Amerîkayê red kir û da xuyakirin: “Ji ber ku ew pêşniyarên ku heta niha hatine pêşkêşkirin, ew garantiyên pêwîst têde nînin ku cihê razîbûn û baweriya gelê me be, ji ber wê proseya referandumê dê berdewam be.”

 

Encumena Bilinda Referandumê herwiha tekez kir: “Di heman demê de jî, ji bo dabînkirina mafê biryardana çarenivîsa gelê me, bi rih û moralekî sazîner û berpirsyarane, dê dirêjî bi proseya gotûbêj û diyalogê li gel hemû aliyên pêwendîdarên civaka navdewletî were dan.”

 

Şîrove

 
Bernas | 18-9-2017
Mafê kesî nîne, bîryara rayadarên Kurd û xelkê Kurdistan têkin şikê, wan ji bîryara xwe bi fereqatkirin bidin. Ew mafêkî rewa ye, wek serok Barzanî jî got, xala 1514an ya Netewên Yekbûyî wî mafî dide Kurdan. Kî dijî ve derdikeve, lingan berîpaş dixe, ma keremke ewelî here wî xalî ji xole rake. Hemûyan dest dane destên hev, neyartîya Kurdistan dikin; Fransa û Îngîlîstan, bîlhasa mafê Îgîlîstan nîne, li ser çarenivîsa xelkê Kurdistan biaxifin. Bo Kosovo hemû dibin yek, dewletek avadikin, bes dor hate Kurdan hemu tevhev bernameyek din bi kardidin, naxwazin li rojhilarta navîn dadî, demokrasî û azadî cîh bigire, berbipêskev e. Ew derbas bû, derbas bû, û derabs bû. Gelê Kurd li çardewaran amadaye, bo xelkê xwe berdêla xwe bide.

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Koçer | 2019-03-06 6:41:32 PM
Xelata we pîrozbe. Bi hêviya xelatên mezintir ji Ragihandinên Kurdî re
Medyaya civakî ya Rûdawê bû fînalîsta xelateke navdewletî
| 6-3-2019 | (1)
b.ay | 2019-03-06 12:26:24 PM
Slaw ü rez keke Selaheddin.Bedengiya HDP ya ji bo Demirtas ez ji fem nakim tu rast dibeji Zexmbüna HDP´de Selaheddin Demirtas Sembolek mezine Dinya...
Cemal Aslan | 2019-03-06 12:36:28 PM
Kurdistans BDP ne HDP neke tircik.
Hilbijartinên bi bendewariyên mezin
| 6-3-2019 | (2)
kurdo | 2019-03-05 11:08:55 PM
ENKsse çi dibêje. vana tinê Kuçikên Tirkane, ligor berjewendiyên Tirkan tevdigerin. Ji Efrînê jî şerimnakin Opozisyanakerdogan re bûne yek
Lavrov: Divê pirsa Kurd bê çareserkirin
| 5-3-2019 | (1)
Gundî | 2019-03-05 3:24:40 PM
Ji hemû partiyên Kurdanre serkeftinê dixwazim. Hima nederzek li yekitiya Kurdan bikeve, bila Kurd pir partîbin.
Ozçelik: Me ji niha ve derzek li zextên dewlet û HDPê daye
| 5-3-2019 | (1)
0.594 seconds