Hewlêr (Rûdaw) - Bihayê petrolê îro piştî ku Ajansa Enerjiyê ya Navneteweyî (IEA) pêşniyara vekirina embarên stratejîk kir daket.
Bihayê petrolê li bazaran
Îro piştî vebûna bazarên Asyayê, bihayê petrola brent a Deryaya Bakur 23 sentan daket.
Bermîla petrolê bi 87 dolar û 57 sentan hat kirîn û firotin.
Bihayê petrola sivik a Teksasê ya Amerîkayê (WTI) jî 37 sentan daket.
Bermîleke wê jî bi 83 dolar û 8 sentan hat firotin.
Pêşniyara Ajansa Enerjiyê ya Navneteweyî
Ajansa Enerjiyê ya Navneteweyî pêşniyarî endamên xwe kiriye ku zêdetirî 182 milyon bermîlan ji embarên xwe yên stratejîk pêşkêşî bazarê bikin.
Ev mêjer sala 2022yan jî piştî destpêkirina şerê Ukraynayê bi du caran li bazarê hatibû belavkirin.
Aloziyên li herêmê û gefên Trump
Amerîka û Îsraîlê şeva borî êrişeke gelekî mezin biriye ser Îranê.
Hêza Deryayî ya Amerîkayê ragihand ku wan 16 keştiyên Îranî kirine hedef.
Li gorî daxuyaniyê, wan keştiyan li Tengava Hurmizê mayîn û cebilxane datanîn.
Serokê Amerîkayê Donald Trump gef li Îranê xwar.
Trump daxwaz kir ku Îran mayînên li Tengava Hurmizê rake.
Wî hişyarî da ku eger Îran mayînan raneke, ew dê bi tundî êrişî wan bikin.
Ev şer û gef jî bandorê li bihayên petrolê dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse