Hewlêr (Rûdaw) - Li gorî Ajansa Nûçeyan a Bloombergê, Banka Navendî ya Tirkiyeyê di nava 2 hefteyan de derdora 60 ton zêr ji rezervên xwe firotin.
Ev firotina zêr piştî destpêkirina şerê Amerîka û Îsraîlê yê li dijî Îranê pêk hat û bihayê zêrê firotî nêzîkî 8 milyar dolaran e.
Li gorî nûçeya Bloombergê, piştî ku 28ê Sibata 2026an şerê di navbera Amerîka-Îsraîl û Îranê de dest pê kir, di rezervên zêr ên Banka Navendî ya Tirkiyeyê de kêmbûneke balkêş hat qeydkirin.
Amarên bankeyê nîşan didin ku 13ê Adarê 6 ton û 20ê Adarê jî 52,4 ton zêr kêm bûne.
Dan û standinên 'swap'ê
Pisporên aboriyê diyar dikin ku ev kêmbûn tenê ne ji ber firotina rasterast e.
Li gorî pisporan beşeke mezin a vê kêmbûnê ji dan û standinên "swap"ê pêk tê.
Wateya "swap"ê guhertina zêr a bi dolar, dirav û lîreyê Tirkiyeyê ye.
Damezirînera Şirketa Şêwirmendiyê ya Phoenix Consultancyê Iris Cibreyê destnîşan kir ku Banka Navendî ya Tirkiyeyê ji bo ragirtina hevsengiya daxwaza navxwe û peydakirina lîkîdîteya dolaran (pereyê amade) rezervên xwe firotin.
Iris Cibreyê diyar kir ku yedekên zêr ên ku hatine firotin nêzîkî 58,4 ton in û got:
“Zêdetirî nîviya vê firotinê bi rêya karûbarên swapê yên li derveyî welat li beramberî dirav pêk hatiye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse