کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Kîloyên zêr / Wêne: Reuters

Kîloyên zêr / Wêne: Reuters

Aborî

Zêr dîsa firiya, onsek gihişt 5 hezar û 278 dolaran

Maseya Edîtoran a Rûdawê

Maseya Edîtoran a Rûdawê

28-02-2026
Guhdarî bike
0:00
0:00
Mezinahiya Nivîsê
Maseya Edîtoran a Rûdawê

Maseya Edîtoran a Rûdawê

28-02-2026

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Hewlêr (Rûdaw) - Bihayê zêr dîsa ber bi lûtkeyê ve diçe.

Bihayê onsa zêr vê sibehê di dema girtina bazarên darayî yên cîhanê de 93 dolaran zêde bû.

Bi vê zêdebûnê re onsa zêr gihişt 5 hezar û 278 dolaran.

Saziyeke darayî pêşbînî dike ku zêr bigihe 6 hezar dolarî.

Ji destpêka vê mehê ve heta îro, bihayê onsa zêr ji sedî 8,5 ango 445 dolar zêde bûye.

Tenê hefteya borî zêr 170 dolaran biha bû.

Sedema sereke ya vê bilindbûnê ew e ku veberhêner di demên ne aramiya siyasî û aborî de zêr wekî "stargeheke ewle" dibînin.

Sedemên bihabûnê

Yek ji sedemên sereke yên bihabûna zêr a vê mehê, tundbûna aloziya navbera Amerîka û Îranê ye.

Washingtonê gelek keştiyên şer şandine Rojhilata Navîn.

Amerîkayê gef li Îranê xwar ku eger şertên peymana atomî qebûl neke, dê rûbirûyî vebijêrka leşkerî bibe.

Her çi qasî civînên hefteya borî yên her du welatan bê encam mabin jî, her du aliyan jî niyeta berdewamiya diyalogê nîşan da.

Vê yekê hinekî hêvî çêkir lê metirsî hîn dewam dikin û ev jî dibe sedem ku zêr biha bibe.

Sedemeke din jî biryara Dadgeha Bilind a Amerîkayê ye.

Dadgehê piraniya wan bacên gumrikî betal kirin ku Serokê Amerîkayê Donald Trump sepandibûn.

Trump wekî bertek gefa sepandina bacên nû xwar û vê yekê nezelalî xist bazaran.

Di heman demê de, daketina bihayê pişkên (hîse) şirketên hişê çêkirî (AI) jî bandor kir.

Veberhêneran sermayeyên xwe ji borsa û pişkan kişand û berê xwe da kirîna zêr.

Stratejîstê Bilind ê Konseya Zêr a Cîhanê Joseph Cavatoni got:

"Dema ku rîsk di bazarên pişkan de tê dîtin, xelk dîsa berê xwe dide kirîna zêr.

Em vê daxwaza zêde li Amerîka û Asyayê bi zelalî dibînin."

Pêşbîniya 6 hezar dolaran

Li aliyê din, saziya darayî ya Amerîkî "Bernstein"ê pêşbîniyên xwe yên demdirêj ên ji bo zêr guherandin.

Saziyê ragihand ku ji ber daxwaza berdewam a bankên navendî û kêmkirina faîzê li Amerîkayê, dê zêr bi lez biha bibe.

Li gorî pêşbîniyên vê saziyê, onsa zêr sala 2026an digihe 4 hezar û 800 dolarî.

Tê pêşbînîkirin ku heta sala 2030î jî bigihe asta 6 hezar û 100 dolarî.

Divê were gotin ku rapirsiyên nû nîşan didin ji sedî 95ê bankên navendî yên cîhanê plan dikin ku rezervên xwe yên zêr zêde bikin.

Ew bank dixwazin di beramberê zêr de pişta xwe kêmtir bi dolarê Amerîkî qewîn bikin.

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Pirsên