Hewlêr (Rûdaw) - Bihayê petrolê îro jî bilindbûna xwe ya roja borî domand.
Gotûbêjên li ser şerê Îranê û gihîştina peymanekê ya di navbera Îran û Amerîkayê de xitimîne.
Çûn û hatina deryayî ya li Tengava Hurmizê gelekî sînordar e û vê yekê jî bihayê petrolê zêdetir bilind kiriye.
Bihayê bermîla petrola brent a Deryaya Bakur 45 sentan bilind bû û bermîla petrola brent bi 108 dolar û 68 sentan tê kirîn û firotin.
Bihayê petrola brent roja duşemê bi rêjeya ji sedî 2,8 bilind bûbû.
Bihayê petrola sivik a Teksasa Amerîkayê (WTI) jî 58 sentên din bilind bû û bermîla wê bi 96 dolar û 96 sentan hat kirîn û firotin.
Bihayê petrola sivik a Teksasê roja duşemê jî bi rêjeya ji sedî 2,1 bilind bûbû.
Trump ne razî ye û tengav girtî ye
Li gorî çavkaniyeke ji Koşka Spî, Serokê Amerîkayê Donald Trump ji pêşniyara nû ya Îranê ne razî ye.
Sedema vê yekê ew e ku pêşniyar çareserkirina pirsgirêka atomê ya wî welatî li xwe nagire.
Îran dixwaze di qonaxa destpêkê de tenê dijminatî bi dawî bibe û pirsgirêka Tengava Hurmizê çareser bibe.
Xitimîna dan û standinên di navbera Îran û Amerîkayê de yên ku bi navbeynkariya Pakistanê tên kirin bi kirdarî bûye sedem ku Tengava Hurmizê hema bêje girtî bimîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse