Rojhilat Azad klîpa xwe ya bi navê ‘Felek’ belav kir

Hewlêr (Rûdaw) - Hunermendê Kurd Rojhilat Azad klîpa strana xwe ya nû ya bi navê "Felek"ê belav kir.

Strana nû ya hunermendê ji Serhedê Rojhilat Azad li ser platformên muzîkê hat belavkirin.

Gotin û muzîka stranê wî bi xwe çêkirîne.

Her wiha gotin û muzîka gelek stranên navdar ên hunermendên din jî yên wî ne.

Karê aranje û vîdeoyê ji aliyê Sezer Çîftçî ve hatine kirin.

Rojhilat Azad di vê stranê de gilî û gazinên xwe yên ji vê serdemê tîne zimên.

Ew perîşaniya mirovan û bandora xerab a demê digihîne felekê.

Rojhilat Azad bi piranî bi stranên xwe yên dengbêjî û folklorî yên herêma Serhedê tê naskirin.

Ew hinek caran bi stranên şoreşgerî û hinek caran jî bi stranên li ser karesat û komkujiyan derdikeve pêşiya hezkirên xwe.

Bi kurtasî, ew di stranên xwe de qala êşa Kurdan dike.