کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Muzefer Şafî / Wêne: Rûdaw Grafîk

Muzefer Şafî / Wêne: Rûdaw Grafîk

Çand û Huner

Muzefer Şafiyê ku navê Kurdan gihand şanoyên cîhanê koça dawî kir

Maseya Edîtoran

Maseya Edîtoran

06-08-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran06-08-2026

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Hewlêr (Rûdaw) - Muzefer Şafî piştî salên dirêj ên di huner û lîstikvaniyê de di 70 saliya xwe de ji ber nexweşiyê koça dawî kir.

Hunermendê navdar ê Kurd Muzefer Şafiyê ku jiyana wî bi afirîneriyê tijî bû, karî navê Kurdan bigihîne şano û ekranên herî mezin ên cîhanê.

Muzefer Şafî 26ê Nîsana 1956an di nav malbata Şafî û Qadiriyan de li bajarê Mehabadê yê Rojhilatê Kurdistanê ji dayîk bû.

Xewna wî ya ji bo lîstikvaniyê gava ku ew tenê 5 salî bû li sînemayeke Mehabadê dest pê kir û wî biryar da ku bibe lîstikvan.

Piştî ku di 15 saliya xwe de bavê xwe ji dest da, ji bo xwendinê çû Tehranê û paşê sala 1973yan gava ku tenê 17 salî bû çû Londonê.

Sala 1982yan ji Koleja Hunerê ya Dartingtonê bawername stand.

Ew bû yek ji kesayetên çandî yên herî berbiçav ên diyasporaya Kurdî ya li Brîtanyayê û sala 1986an beşdarî damezirandina Navenda Rewşenbîriya Kurdan a li Londonê bû.

Lûtkeya serkeftinên navneteweyî

Sala 1990î ji bo Şafî bû werçerxaneke dîrokî ku ew bû lîstikvanê yekem ê Kurd ku li Şanoya Niştimanî ya Şahane ya Brîtanyayê derket ser dikê.

Ev destkeftî di pirtûka dîroka Kurdan a Zanîngeha Cambridgeyê de hatiye tomarkirin.

Şafî di wê baweriyê de bû ku her serkeftinek divê derî ji bo nifşê nû veke û wî gotibû, "Ez dê gelekî kêfxweş bibim eger Kurdekî din vê pêvajoyê temam bike."

Deng û rengê Şafî ji bo bi milyonan mirovên li cîhanê nas bû ku ew bi dehan salan di beşa Farisî ya BBCyê de xebitî û dengê wî wekî "Jeremy Clarkson" di bernameya Top Gearê de nifşek perwerde kir.

Her wiha di rêzefîlma navdar a HBOyê ya bi navê "House of Saddam" û fîlmê "Triage" de li gel lîstikvanê cîhanî Colin Farrell rol girt.

Çar salên li Japonyayê û damezirandina şanoyê

Hunermend Muzefer Şafî sala 1997an li ser daxwaza radyoya cîhanî ya NHKyê çû Tokyoyê.

Li wir ne tenê 4 salan xebitî, her wiha şanoya "Intrigue" damezirand û bala medyaya Japonyayê kişand ser xwe.

Wî baweriyeke kûr pê hebû ku divê çanda Kurdan bi çandên cîhanî yên wekî "Kabuki" û "No" re were hûnandin.

Jiyana taybet û xeyala wî ya ji bo Hewlêrê

Şafî li Londonê bi Beyan Samî Ebdulrehmanê re zewicî.

Ev zewac li ser bingeha piştgiriya her du aliyan bû, gava ku Beyan Samî Ebdulrehman wekî nûnera Herêma Kurdistanê ya Brîtanyayê û paşê ya Amerîkayê hat diyarkirin, Şafî piştgirekî mezin ê wê bû.

Sala 2012an kurê wan Ramyar ji dayîk bû.

Sala 2023yan Muzefer Şafî vegeriya Hewlêrê bi wê hêviyê ku şanoyeke niştimanî ya hêja ji bo Kurdistanê ava bike.

Ew dê her tim wekî çîrokbêjekî jêhatî û mirovekî germ di bîra hevalên xwe de bimîne.

Têkoşîna li dijî penceşêrê û kêliyên dawiyê

Şafî Kanûna Pêşîn a 2025an bi penceşêra pankreasê ket lê bi moraleke bilind rû bi rûyî nexweşiyê bû.

Wî her tim qala planên xwe yên paşerojê dikir û nexwest êdî qala êşên xwe bike.

Gava ku Tîrmeha 2026an nexweşiya wî girantir bû, rewşa wî ya tenduristiyê bi lez xirab bû û di dawiyê de 4ê Tebaxa 2026an li Enqereya paytexta Tirkiyeyê koça dawî kir.

Malbata Muzefer Şafî ji bo piştgiriya wan a di dema nexweşiyê de spasiyeke taybet li Serokwezîr Mesrûr Barzanî û ofîsa wî dikin.

Her wiha spasiya Serok Mesûd Barzanî û Serokê Herêma Kurdistanê Nêçîrvan Barzanî û hemû dostên xwe yên li seranserî cîhanê dikin ku di vê dema zehmet de hevxemiya xwe nîşan dane.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên