کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Huner

Fîlmê 'Eger Jinek Te Bikuje Tu Naçî Bihuştê' li Festîvala Venedîkê deng veda

RÛDAW

RÛDAW

08-09-2026
Guhdarî bike
0:00
0:00
Mezinahiya Nivîsê
RÛDAW
RÛDAW08-09-2026

Nûçeyên Têkildar

Mustafa Altioklar: Dema ku Kurd tevahiya fîlmekî çêdikin, çima jê re bê gotin fîlmê Tirkan?
Huner18-11-2026

Mustafa Altioklar: Dema ku Kurd tevahiya fîlmekî çêdikin, çima jê re bê gotin fîlmê Tirkan?

Mahsun Kirmizigul piştî 26 salan axivî: Xwezî min bi Ahmet Kaya re hevdîtin bikira
Huner16-11-2026

Mahsun Kirmizigul piştî 26 salan axivî: Xwezî min bi Ahmet Kaya re hevdîtin bikira

‘Keçka Nisêbînê’ sêwî ma: Hozan Kilamedîn koça dawî kir
Huner16-11-2026

‘Keçka Nisêbînê’ sêwî ma: Hozan Kilamedîn koça dawî kir

Hewlêr (Rûdaw) - Fîlmê "Eger Jinek Te Bikuje Tu Naçî Bihuştê" ku Helkewt Mistefa derhêneriya wî kiriye, mohra xwe li Festîvala Fîlman a Venedîkê da.

Fîlm cara yekem li hola dîrokî ya "Sala Grande"yê hat nîşandan û bi çepikan û bi germî hat pêşwazîkirin.

Bi cilên Kurdan derketin ser Xalîçeya Sor

Gihîştina tîma fîlm a ber Qesra Sînemayê (Palazzo del Cinema) keş û hewaya Xalîçeya Sor a li festîvalê guherand.

Li şûna muzîka Ewropayî, dengê Kîjan Îbrahîm Xeyatê li qada festîvalê olan da ku ji muzîka sereke ya fîlm hatibû wergirtin.

Derhêner Helkewt Mistefa û hinek ji lîstikvanên fîlm bi cilên Kurdan derketin ser Xalîçeya Sor û vê yekê bala amadebûyan û medyaya navneteweyî jî kişand.

Kurdên diyasporayê çûn piştgiriyê

Derhêner û lîstikvanên fîlmê li ser Xalîçeya Sor a Festîvala Venedîkê. Wêne: Bilind Tahir / Rûdaw
Derhêner û lîstikvanên fîlmê li ser Xalîçeya Sor a Festîvala Venedîkê. Wêne: Bilind Tahir / Rûdaw

Li pişt bendên Xalîçeya Sor gelek Kurdên diyasporayê ji bo dîtina fîlm û piştgiriyê ji seranserê Ewropayê çûbûn wê giravê.

Derhênerê Kurd ê li Brîtanyayê Alan Hemûwan ku bi taybetî ji bo vê boneyê çûbû Venedîkê, ji Rûdawê axivî û re got:

"Gelek kes ji Brîtanyayê bi taybetî ji bo dîtina vî fîlmê Kurdî hatine vê derê."

Pêşwaziya ji aliyê birêvebiriya festîvalê ve

Helkewt Mistefa û her du lîstikvanên sereke yên fîlmê li ser Xalîçeya Sor a Festîvala Venedîkê. Wêne: Bilind Tahir / Rûdaw
Helkewt Mistefa û her du lîstikvanên sereke yên fîlmê li ser Xalîçeya Sor a Festîvala Venedîkê. Wêne: Bilind Tahir / Rûdaw

Paşê fîlm li hola sereke û dîrokî ya Sala Grandeyê hat nîşandan.

Biryara birêvebiriya festîvalê ya ji bo bicihkirina fîlm a di beşa fermî ya Xalîçeya Sor de, ji bo girîngîdana berhemeke sînemayê ya li herêmê wekî gaveke girîng tê dîtin.

Birêvebirê Hunerî yê Festîvala Fîlman a Venedîkê Alberto Barbera ji Rûdawê re axivî û got:

“Ez ne li bendê bûm ku li ser rola Pêşmergeyan a li dijî DAIŞê fîlmekî ew qasî bihêz û balkêş bibînim. Em gelekî ketin bin bandora fîlm.”

Lîstikvan Qadir Celal li ser Xalîçeya Sor a Festîvala Fîlman a Venedîkê. Wêne: Bilind Tahir / Rûdaw
Lîstikvan Qadir Celal li ser Xalîçeya Sor a Festîvala Fîlman a Venedîkê. Wêne: Bilind Tahir / Rûdaw

Çîrokeke balkêş

Helkewt Mistefa beravajî wan fîlmên şer ên ku bi budceyeke kêm û bi şêwaza belgefilman tên çêkirin, di vê berhema xwe de pişta xwe bi wênegirtineke sînemayî ya berfireh, tevgerên bilez û asteke teknîk a bilind girê daye.

Fîlm bi taybetî jî rola Pêşmergeyên jin derdixe pêş.

Ev hevsengiya di navbera sînemaya cemawerî û çîrokeke tijî hevrikî de, bala amadebûyên festîvalê jî kişand.

Rojnameger û rexnegirê Îtalî Marco Consoli jî li ser fîlm ji Rûdawê re got:

"Fîlm gelekî baş bû, yek ji wan fîlmên herî baş bû ku îsal min li Festîvala Venedîkê dît. Fîlmekî tijî çêj e ku dikare xwe bigihîne bînereke fireh û di heman demê de xwedî çîrok û kesayetiyên gelekî girîng e."

Kenar Serçil û Qadir Celal li ser Xalîçeya Sor a Festîvala Venedîkê. Wêne: Bilind Tahir / Rûdaw
Kenar Serçil û Qadir Celal li ser Xalîçeya Sor a Festîvala Venedîkê. Wêne: Bilind Tahir / Rûdaw

Namzeda Oscarê ye

Temaşevanên fîlm piştî bidawîbûna nîşandanê çend xulekan li ser pêyan ji bo derhêner û tîma fîlm li çepikan xist.

Nûnerê Hikûmeta Herêma Kurdistanê yê li Îtalyayê Rêzan Heme Salih jî bal kişand ser girîngiya berhemê ya li ser asta navneteweyî û got:

"Îro ji bo neteweya Kurd rojeke dîrokî ye, ez hêvî dikim ku bigihîje Xelata Oscarê."

Fîlmê Helkewt Mistefa ji bo Xelata Oscarê namzedê Îraqê ye.

Derhênerê fîlm Helkewt Mistefa jî piştî pêşwaziya germ a temaşevanan hestên xwe ji Rûdawê re anîn zimên û got:

"Hesteke min a gelekî xweş hebû, hesteke tijî serbilindî û aramî bû. Tu çendîn salan li ser projeyekê dixebitî û tu digihîjî qonaxekê ku pêwîst e cîhan wê bibîne."

Nûçeyên Têkildar

Mustafa Altioklar: Dema ku Kurd tevahiya fîlmekî çêdikin, çima jê re bê gotin fîlmê Tirkan?
Huner18-11-2026

Mustafa Altioklar: Dema ku Kurd tevahiya fîlmekî çêdikin, çima jê re bê gotin fîlmê Tirkan?

Mahsun Kirmizigul piştî 26 salan axivî: Xwezî min bi Ahmet Kaya re hevdîtin bikira
Huner16-11-2026

Mahsun Kirmizigul piştî 26 salan axivî: Xwezî min bi Ahmet Kaya re hevdîtin bikira

‘Keçka Nisêbînê’ sêwî ma: Hozan Kilamedîn koça dawî kir
Huner16-11-2026

‘Keçka Nisêbînê’ sêwî ma: Hozan Kilamedîn koça dawî kir

Pirsên