Hewlêr (Rûdaw) - Li bajarê Torontoyê yê Kanadayê bi beşdariya gelek stêrkên navdar ên Hollywoodê, Festîvala 51emîn a Fîlman a Navneteweyî ya Torontoyê (TIFF) dest pê dike.
Festîvala 51emîn a Fîlman a Navneteweyî ya Torontoyê (TIFF) ya ku wekî festîvala herî mezin a duyemîn a cîhanê tê hesibandin, di heman demê de berê Xelatên Oscarê jî diyar dike.
Festîval îro demjimêr 05:00an bi dema Amerîkayê (demjimêr 00:00a bi dema Kurdistanê) dest pê dike û dê 10 rojan bidome.
Festîvala Torontoyê piştî Festîvala Fîlman a Cannesê wekî festîvala herî mezin a duyemîn a fîlmên a cîhanê tê dîtin.
Cudahiya sereke ya Torontoyê ji Cannesê ew e ku tenê ji bo rexnegir, lîstikvan û şirketên berhemanînê nîne.
Ev bername festîvaleke gelêrî ye. Salane bi hezaran bîner bilêtan dikirin, di salonan de li kêleka stêrkên cîhanî rûdinin û li fîlmên temaşe dikin.
Xaleke din a girîng a festîvalê ew e ku xelata sereke ya "Fîlmê Herî Baş" ne ji aliyê komîteya dadweriyê ve bi dengên rasterast ên bîneran tê diyarkirin.
Ev xelat ji bo pêşbînîkirina fîlmên serkeftî yên Xelatên Oscarê wekî pîvana herî girîng tê qebûlkirin.
Bazara fîlmên serbixwe ya bi mîlyonan dolaran
Çar rojên ewil ên Festîvala Torontoyê ji bo bazareke mezin a fîlmên tên veqetandin.
Di vê demê de şirketên mezin ên wekî Netflix, A24 û Fox Future ji bo kirîna mafê weşandina fîlmên serbixwe dikevin pêşbaziyê.
Bazara fîlman a Torontoyê bi afirandina derfetên mezin û nedihatin çaverêkirin tê naskirin.
Sala borî derhêner û lîstikvanê Amerîkayî Corey Barker, fîlmê bi navê "Obsession" tenê bi lêçûna 750 hezar dolarî çêkir.
Fikra wê ya cuda bala şirketa Fox Futureyê kişand û bi 15 milyon dolarî mafê weşandina wê kirî.
Paşê fîlmê li sînemayên cîhanê serkeftineke mezin bi dest xist û li Box Officeyê zêdetirî 400 milyon dolarî qezenc kir.
Festîvala îsal dê qerebalixtir be û nêzîkî 6 hezar nûnerên şirketên fîlman dê beşdar bibin ku ya borî tenê hezar nûner tevlî bûbûn.
Bernameya festîvalê
Bernameya 10 rojî ya festîvalê bi vî awayî ye:
Şeva ewil bi nîşandana fermî ya fîlmê "Being Heumann"ê û merasîma li ser xalîçeya sor a bi amadebûna stêrkan dest pê dike. Paşê bazara kirîn û firotina fîlmên bi amadebûna derhêner, lîstikvan û nûnerên şirketên cîhanî bi rê ve diçe. Ev bazar dê heta şeva çarem berdewam bike.
Şevên pêncem, şeşem û heftem jî ji bo nîşandana fîlmên muzîkal, fîlmên serbixwe û fîlmên tirsnak û xeyalî yên zanistî tên veqetandin.
Di rojên heştem û nehem ên festîvalê de dê fîlmên herî serkeftî yên vê xulê ji bo bîneran ducare werin nîşandan. Her wiha dê çendîn panelên gotûbêjê di navbera derhêneran û bîneran de li ser namzedbûna fîlmên a ji bo Xelata Oscarê bi rê ve biçin.
Di şeva dawî de jî dê serkeftiyê Xelata Hilbijartina Gel (People's Choice Award) were ragihandin û li dawiya merasîmê fîlmê serkeftî careke din ji bo beşdaran were nîşandan.
