کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Afîşa fîlmê / Wêne: Torên civakî

Afîşa fîlmê / Wêne: Torên civakî

Çand û Huner

Fîlmê nû yê Behmen Qubadî li Festîvala Torontoyê tê nîşandan

Maseya Edîtoran

Maseya Edîtoran

19-09-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran19-09-2026

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Hewlêr (Rûdaw) - Fîlmê nû yê sînemagerê Kurd Behmen Qubadî yê bi navê "Dar Dinêrin" li Festîvala Fîlman a Navneteweyî ya Torontoyê ya li Kanadayê tê nîşandan.

Ev berhem bi beşdariya stêrka cîhanî Eva Greenê hatiye girtin.

Derhênerê navdar ê Hollywoodê Martin Scorsese jî berhemhênerê fîlmê ye.

Malperên sînemayê yên cîhanî yên wekî Screen Rant, ComingSoon, Cinefilos û Yahoo Entertainmentê li ser fîlmê nû yê Qubadî nûçe belav kirin.

Li gorî nûçeyan, tevlîbûna Martin Scorsese ya li projeya Qubadî di medyaya sînemayê ya cîhanê de dengekî mezin vedaye.

Behmen Qubadî yek ji derhênerên herî diyar ên Rojhilata Navîn e.

Wî berê jî li festîvalên wekî Cannes û Berlînê xelatên mezin wergirtine.

Behmen Qubadî li ser hesabê xwe yê Instagramê li ser nîşandana fîlmê xwe peyamek belav kir.

Qubadî di peyama xwe de got:

"Ev fîlm ji bo min gereke dirêj û gelekî taybet bû.

Bîranîn, tirs, cih û wan kesan li xwe digire ku bi salan bi min re mane."

Her wiha wî di peyama xwe de spasiya hemû tîm û xebatkarên fîlmê kir ku di vê projeyê de pê re xebitîne.

Li gorî fragmana fîlmê, rûdan di derdoreke tarî, tijî kelecan û hestbariyê de derbas dibin.

Di fîlmê de xweza, jîngeh û heta dar jî dibin çavdêrên kiryar, hest û nihêniyên mirovan.

Ev berhem tevlîheviyeke hunerî ye di navbera şêwaza taybet a Qubadî û dîtina sînemayî ya Hollywoodê de.

Ev fîlm nîşan dide ku mirov çawa bi tawan, tirs û paşeroja xwe re têdikoşe.

Fîlm ji aliyê Behmen Qubadî ve hatiye nivîsandin û derhêneriya wê jî wî kiriye.

Gelek lîstikvanên navdar di fîlmê de dilîzin.

Eva Green: Stêrka Fransî û stêrka fîlmê James Bond (Casino Royale) tê de dilîze.

Murat Yildirim, Zeynep Çamci û Neva Kuş: Stêrk û lîstikvanên navdar ên Tirkiyeyê ne.

Berhemhêner: Ji bilî Behmen Qubadî, Seyfî Şahîn, Lydia Dean Pilcher û Gulrêz Îhtiyatî wekî berhemhêner beşdar in.

Berhemhênerên cîbicîkar: Martin Scorsese, Lucas Akoskin û Bahoz Nesredîn wekî berhemhênerên cîbicîkar di fîlmê de cih digirin.

Wênegiriya sereke ya fîlmê ji aliyê Seba Mezlûm û di beşa duyem de jî ji aliyê Tûrec Aslanî ve hatiye kirin.

Ferbod Xoştînet montaja fîlmê kiriye û muzîka fîlmê jî ji aliyê Bamdad Efşar ve hatiye amadekirin.

Her wiha Babek Tehmîlî wekî dîzaynerê berhemanînê û Gokben Sas jî wekî birêvebirê hunerî beşdarî fîlmê bûne.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên