کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Çand û Huner

Li Mêrdînê sempozyuma derûnnasiyê: ‘Tenduristiya Derûnî û Edaleta Civakî’

Maseya Edîtoran

Maseya Edîtoran

27-09-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran27-09-2026

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Hewlêr (Rûdaw) - Kovara yekem a derûnnasiyê ya bi Kurdî Psychology Kurdî ji bo 10 saliya xwe li bajarê Mêrdînê yê Bakurê Kurdistanê sempozyumeke berfireh li dar dixe.

Sempozyûma "Tenduristiya Derûnî û Edaleta Civakî" dê 3 û 4ê Çiriya Pêşîn li Baroya Mêrdînê were lidarxistin.

Mijara sereke ya sempozyumê wekî "Tenduristiya Derûnî û Edaleta Civakî" hatiye diyarkirin.

Sempozyum balê dikişîne ser bandora zext, newekhevî û bêedaletiyê ya li ser tenduristiya derûnî ya civakê.

Di roja yekem de rûniştin li ser trawmayên civakî, rûbirûbûn, şîna civakî û lêgerîna edaletê ya di bin siya pergalên dadweriyê de ne.

Di roja duyem de jî girîngiya zimanê dayîkê ya di parastina zaroktiyê de, pirsgirêkên koçberiyê û wekheviya di wergirtina xizmetên tenduristiyê de derdikevin pêş.

Gelek akademîsyen û pispor beşdar dibin

Di sempozyumê de gelek pispor, akademîsyen, hiqûqnas û psîkolog cih digirin.

Prof. Dr. Jan Îlhan Kizilhan li ser trawmatolojiya navçandî û bandorên çandî radiweste.

Prof. Dr. Melek Goregenlî pêwendiya mirov û mekan û derûnnasiya polîtîk dinirxîne.

Prof. Dr. Sîbel Sakarya behsa astengiyên zimên ên di tenduristiyê de dike. Edîtorê kovarê Abdulsittar Ozmen jî balê dikişîne ser armanca wan a bipêşxistina zimanê Kurdî wekî zimanekî zanistî.

Prof. Dr. Fuat Tanhan, rojnameger Alî Duran Topuz û Doç. Dr. Mesut Işik li ser trawmayên kolonyal û tundiya epîstemîk diaxivin.

Prof. Dr. Burhanettîn Kaya û Prof. Dr. Selçuk Candansayar jî derûnnasiya polîtîk û şîna civakî dinirxînin.

Rola zimanê dayîkê û bandora pergalên darazê

Hiqûqnas û parêzvanên mafên mirovan Mehmet Emîn Aktar, Cahît Kirkazak û Sezgîn Dînç bandora pergalên dadweriyê ya li ser derûnî û lêgerîna edaletê dinirxînin.

Prof. Dr. Safiye Yildiz, Doç. Dr. Abdurahîm Ozmen û Doç. Dr. Necat Keskîn balê dikişînin ser pirsgirêkên derûnî yên koçberan û rola folklorê ya di derûnnasiya gelêrî de.

Dr. Ramazan Pertev, Doç. Dr. Nurettîn Beltekîn û Dr. Hozan Saatçîoglu bandora perwerdeya bi zimanê dayîkê ya li ser bipêşketina derûnî ya zarokan nîqaş dikin.

Dr. Seher Oral û Psîkiyatrîst Azad Dildar li ser girîngiya axaftina bi zimanê dayîkê ya di navbera nexweş û terapîst de radiwestin.

“Ji bo civakê derfeteke mezin e”

Mamoste Sîdar Ozmen û Derûnnas Siyabend Aslan ên ji edîtoryaya Psychology Kurdî ne pêşkêşî û axaftina destpêkê ya bernameyê dikin.

Her wiha Derûnnas Zelal Coşkun, Derûnnas Berfîn Guler, Parêzer Dîlan Koç, Dr. Sevda Orak, Dr. Guneş Kan û Dr. Ahmet Ozel moderatoriya rûniştinan dikin.

Ev sempozyum ji bo civakê derfeteke mezin e ku li ser birînên xwe yên civakî biaxive û rêyên başbûnê nîqaş bike.

Edîtoriya Kovara Psychology Kurdî ragihand ku hemû kesên pêwendîdar dikarin beşdarî sempozyumê bibin.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên