Hewlêr (Rûdaw) - Hunermend Hîvron li parêzgehên Semsûr û Çewlîgê yên Bakurê Kurdistanê bi hezkiriyên xwe re tê ba hev.
Konserên Hîvronê ji aliyê Şaxên Sendîkaya Kedkarên Perwerde û Zanistê (Egîtîm Sen) yên Semsûr û Çewlîgê ve tên organîzekirin.
Li gorî daxuyaniya Şaxa Egîtîm Senê ya Semsûrê, konsera Hîvronê ya li bajêr dê 5ê Çiriya Pêşîn were lidarxistin.
Konser dê demjimêr 18:30î li Salona Mezin a Salona Înciyê dest pê bike.
Rawestgeha duyem Çewlîg e
Rawestgeha duyem a hunermend Hîvron jî dê parêzgeha Çewlîgê be.
Şaxa Egîtîm Senê ya Çewlîgê li ser konsera Hîvronê daxuyaniyek belav kir û bangî endamên sendîkayê û kedkaran kir.
Di daxuyaniya sendîkayê de hat gotin:
"Em di şeveke taybet de ku tê de ked, piştgirî, çand û muzîk digihêjin hev, bi we re tên ba hev.
Di vê şeva xweş a bi ked û hevaltiyê hatiye honandin de, werin em bi dengê hezkirî yê muzîka Kurdî Hîvron re bibin şirîkê muzîk, sohbet û piştgiriyê."
Ji bo endamên KESKê bêpere ye
Konsera li Çewlîgê dê 6ê Çiriya Pêşîn demjimêr 18:00an li Salona Konferansê ya Şaredariya Çewlîgê were lidarxistin.
Hat ragihandin ku konser ji bo endamên Konfederasyona Sendîkayên Kedkarên Giştî (KESK) bêpere ne û vexwendinname ji avahiya Egîtîm Senê tên wergirtin.
Sendîkayê di banga xwe de her wiha anî zimên:
"Ji bo em piştgiriya xwe mezin bikin, çanda xwe bidin jiyandin û hêza yekgirtî ya muzîkê bi hev re hîs bikin, em kêfxweş dibin ku we li kêleka xwe bibînin.
Em bi hev re bihêz in, em bi hev re xweşik in."
.jpg&w=3840&q=75)