کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Qadeke petrolê / Wêne: The New York Times

Qadeke petrolê / Wêne: The New York Times

Aborî

Lihevkirina Amerîka û Îranê petrol erzan kir

Maseya Edîtoran

Maseya Edîtoran

15-06-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran15-06-2026

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Hewlêr (Rûdaw) - Bihayê petrolê îro di roja yekem a vebûna bazaran de daket asta xwe ya herî nizm a ji adarê ve.

Serokê Amerîkayê Donald Trump, Serokwezîrê Pakistanê Şehbaz Şerîf û Alîkarê Wezîrê Karên Derve yê Îranê Kazim Xerîbabadî ragihand ku di navbera Amerîka û Îranê de peymana aştiyê hatiye temamkirin.

Piştî vê agahiyê, bihayê bermîleke petrola xav a brent 3,58 dolaran ango ji sedî 4,10 daket û bermîl daket 83,75 dolaran.

Her wiha bihayê petrola xav a sivik a Teksasa Amerîkayê jî 4 dolaran ango ji sedî 4,72 daket û bermîl daket 80,87 dolaran.

Peymana li ser Tengava Hurmizê

Serokwezîrê Pakistanê Şehbaz Şerîf jî li ser hesabê xwe yê Xê eşkere kir ku di encama hevdîtinên giran de Amerîka û Îran gihîştine peymana aştiyê.

Şerîf diyar ku her du aliyan bidawîhatina bilez û mayînde ya operasyonên leşkerî ya li hemû eniyan (Libnan jî di nav de) ragihandiye.

Li gorî daxuyaniya Şerîf, merasîma fermî ya îmzekirina peymanê dê 19ê Hezîranê li Swîsreyê bê lidarxistin.

Ajansa Nûçeyan a Mîhrê ya nîvfermî ya Îranê ragihand ku di reşnivîsa peymanê de tê xwestin ku Tengava Hurmizê di nava 30 rojan de û di bin tedbîrên Îranê de were vekirin.

Şîrovekar çi dibêjin?

Şîrovekarê bazarên darayî yê şirketa KCM Tradeyê Tim Waterer li ser mijarê got:

"Ew beşa zêdebûna bihayê petrolê ya ku ji ber metirsiyên jeopolîtîk çêbûbû, niha bi lez û bez ji holê radibe.

Bazirgan pêşbînî dikin ku dê pêvajoya şandina petrolê ji nû ve dest pê bike."

Divê were gotin ku cîhanê ji ber girtina Tengava Hurmizê ji meha sibatê ve bi milyonan bermîl petrol û gaz ji dest dane.

Niha veberhêner bi baldarî çavdêriyê dikin bê ma piştî wan zererên ku ji ber şer gihiştine dezgehên petrolê, dê hilberînerên Rojhilata Navîn karibin çi qasî bi lez dest bi hilberîn û firotina petrolê bikin û gelo dê keştiyên zêdetir herin Kendavê yan na.

Pisporê bazarên darayî yê Banka Commonwealthê ya Awistralyayê Vivek Dharê ku pêşbînî kiribû dê heta dawiya îsal bihayê petrola brent bigihîje 80 dolarî, di têbîniyekê de diyar kir:

"Rewşên nezelal dikarin bibin sedema bilindbûna bihayan û li dijî pêşbîniyên me derkevin.

Lê ji bo ku pêşbîniyên me rast derkevin, tenê pêwîst e hinartina petrolê ya di Tengava Hurmizê re bigihe ji sedî 60-70yê asta beriya şer."

Cezayên li ser Îranê û bernameya atomê

Alîkarê Wezîrê Karên Derve yê Îranê Kazim Xerîbabadî ragihand ku dê di maweyê 60 rojên agirbestê de li ser peymaneke berfirehtir dan û standin werin kirin.

Welatên E4ê yên ku ji Brîtanya, Fransa, Almanya û Îtalyayê pêk tên, roja yekşemê daxuyand ku ew amade ne li beramberî gavên Îranê yên li ser bernameya wê ya atomê, cezayên li ser wê rakin.

Şîrovekarê bazarên darayî yê şirketa şêwirmendiyê ya IGyê Tony Sycamore jî li ser vê yekê destnîşan kir:

"Bi liberçavgirtina nezelaliyên girêdayî 60 rojên pêş ên di dema dan û standinan de, bi taybetî jî yên li ser mijara atomê, zehmet e em bibînin ku niha bihayê petrola xav ji vê zêdetir dakeve."

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Pirsên