Hewlêr (Rûdaw) - Amerîkayê piştî çend mehan, şandina dolaran bi rêya asmanî ji Îraqê re ji nû ve dîsa da destpêkirin.
Ev ngav piştî wê yekê tê ku şandina dolaran ji bo zextê hatibû rawestandin.
Armanca Amerîkayê ew bû ku zextê li hikûmeta Bexdayê bike da ku ji Îranê dûr bikeve.
Du alîkarên Serokwezîrê Îraqê Elî Zeydî ji rojnameya New York Times a Amerîkî re axivîn.
Wan ragihand ku şandina dolaran a ji Amerîkayê ber bi Bexdayê ve dest pê kiriye.
"Pirsgirêk çareser bûye"
Berdevkê Serokwezîrê Îraqê Heyder Ebûdî li ser mijarê daxuyanî da û got:
"Şandina dolaran ji Îraqê re dest pê kiriye û pirsgirêk çareser bûye."
Di heman demê de, Şêwirmendê Darayî yê Serokwezîrê Îraqê Muzher Mihemed Salih jî destpêkirina veguhestina dolaran piştrast kir.
Pereyên petrolê li New Yorkê dihatin girtin
Îdareya Donald Trump meha nîsana îsal veguhestina dolaran ji bo Îraqê rawestandibû.
Her wiha pereyê firotina petrola Îraqê jî di Banka Federal a New Yorkê de dihat hiştin û nedihat şandin.
Tevî destpêkirina şandina dolaran, hat diyarkirin ku cezayên Amerîkayê yên li ser sektora ewlehiyê ya Îraqê wekî xwe mane û ti guhertin di wan de nehatiye kirin.
