کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Boriyên hinartina petrolê / Wêne: Arşîv

Boriyên hinartina petrolê / Wêne: Arşîv

Aborî

Îraq: Em dê petrolê bi rêya Herêma Kurdistanê hinarde bikin

RÛDAW

RÛDAW

11-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW11-03-2026

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Hewlêr (Rûdaw) - Wezareta Petrolê ya Îraqê ragihand ku wan dest bi tedbîrên hinartina petrola Kerkûkê bi rêya boriyên petrolê yên Herêma Kurdistanê kiriye.

Berdevkê wezaretê ji Rûdawê re got, li gorî peymaneke nû, dê rojane heta 600 hezar bermîlên petrolê werin şandin.

Berdevkê Wezareta Petrolê ya Îraqê Dr. Sahib Bezzûn ji Rûdawê re got:

"Hinartina petrola Kerkûkê ya bi rêya Herêma Kurdistanê ya biçe bendera Ceyhanê ya Tirkiyeyê dest pê dike."

"Lijneyeke hevbeş tê avakirin"

Sahib Bezzûn diyar kir ku ji ber rewşa neasayî ya li herêmê, biryar hatiye dayîn ku lijneyeke hevbeş di navbera Wezareta Petrolê ya Îraqê û Wezareta Samanên Xwezayî ya Herêma Kurdistanê de were avakirin.

Tê gotin ku ew lijne dê ji bo şopandina karên teknîkî û lojîstîkî yên boriyan, cihên têkildar ziyaret bike.

"Kapasîteya boriyê dê bibe 600 hezar bermîl"

Li gorî gotina Dr. Sahib Bezzûn, berê rojane 230 hezar bermîlên petrolê dihatin jidepoyên Herêma Kurdistanê dihatin şandin.

Lê li gorî peymana nû, ew xet dê bi kapasîteya xwe ya herî bilind were çalakirin ku rojane digihîje 600 hezar bermîlan û îhtimala zêdekirina wê jî heye.

Berdevkê wezaretê derbarê dabînkirina sotemeniyê ya ji bo navxweya Herêma Kurdistanê jî got:

"Eger Herêma Kurdistanê pêwîstiya wê bi berhemên petrolê yan gaza LPGyê hebe, em dê ji wan re bişînin û piştre li gorî peymanê heqdestên darayî dê werin hejmartin."

Planên din ên Bexdayê

Sahib Bezzûn eşkere kir ku planên wan hene petrolê hinardayî Sûriyeyê jî bikin û ew kar dikin ji bo çalakirina xeta boriyên Îraq-Siûdiyê ku ji salên 90î ve rawestiyaye.

Wî ragihand ku niha rojane 20 hezar tankêr petrolê ji Tirkiye, Sûriye, Urdin û Siûdiyê re vediguhêzin.

Ev pêngava Bexdayê di demekê de ye ku ji ber şerê li Îranê û girtina Tengava Hurmizê ji aliyê Îranê ve, hinardekirina petrola başûrê Îraqê rawestiyaye û asta berhemanînê ji 4,3 milyon bermîlan daketiye 1,3 milyon bermîlan.

Bexda dixwaze bi rêya boriyên Kurdistanê, beşek ji ziyanên xwe yên darayî qerebû bike.

Şertên Hewlêrê

Bexdayê peyman ragihandiye lê rayedarekî pilebilind ê Hewlêrê ji ajansa Reutersê re gotiye ku bikaranîna boriyê bi şert e.

Wî rayedarî gotiye, "Heta ku Bexda bi lez pereyên pêwîst ên bi dolar ji bo dabînkirina hinardeyê nede Herêma Kurdistanê û garantiya ewlehiyê ji bo kompanyayên navneteweyî peyda neke, ti dilopên petrolê dê bi boriyê re derbas nebin."

Nûçeyên Têkildar

Banka Bajaran ji budceya şaredariyan ji sedî 27 birî
Aborî18-11-2026

Banka Bajaran ji budceya şaredariyan ji sedî 27 birî

Bihayê zêr nêzîkî asta herî kêm a zêdetirî salekê bû
Aborî17-11-2026

Bihayê zêr nêzîkî asta herî kêm a zêdetirî salekê bû

Krîza li sektora tekstîlê ya Tirkiyeyê kûrtir dibe
Aborî16-11-2026

Krîza li sektora tekstîlê ya Tirkiyeyê kûrtir dibe

Pirsên